Month: ३ वर्ष अगाडि

पूर्णपुष्टि, १० असार । त्रियुगा नगरपालिकाले आगामी आर्थिक बर्ष ८०÷८१ का लागि एक अर्ब ४७ करोड बढी बजेट ल्याएको छ । आईतबार नगरपालिकाकोे ११ औँ नगरसभा बैठकमा नगर उपप्रमुख महेश्वरी राईले उक्त बजेट सार्वाजानिक गरेकी हुन् । राईका अनुसार संघिय सरकारबाट समानीकरण अनुदान तर्फ २० करोड १८ लाख, सशर्त अनुदान चालु तर्फ ५१ करोड ३१ लख, पुँजीगत तर्फ २७ करोड ४६ लाख र समपुरक अनुदान तर्फ एक कारोड ८० लाख गरी १ अर्ब २ करोड ५ लाख प्राप्त भएको छ । यस्तैगरी प्रदेशबाट समानीकरण अनुदान तर्फ ३ करोड ९६ लाख २ हजार, सशर्त अनुदान तर्फ १ करोड ४७ लाख २० हजार, समपुरक अनुदान तर्फ १ करोड २५ लाख ८० हजार गरी जम्मा ५ करोड ८२ लाख ६२ हजार र नगरपालिका स्रोतको आन्तरिक आय तर्फ २० करोड ३० लाख र राजश्व बाँडफाँड तर्फ १९ करोड १६ लाख ४७ हजार गरी जम्मा १ अर्ब ४७ करोड ३४ लाख ९ हजार बजेट बिनियोजन उपप्रमुख राईले जनाईन् । उक्त बजेट...

पूर्णपुष्टि, असार १० । अविरल वर्षासँगै आएको बाढी पहिरोमा परी बेपत्ता भएका मानिसहरुको खोजी गर्न प्रहरी सहित तालिम प्राप्त कुकुर परिचालन गरिएको छ । असार २ गते आएको बर्षाले संखुवासभामा २१ जना मानिस बाढी पहिरोमा परी बेपत्ता भएका छन् । बेपत्ता भएका मानिसहरुको उद्धार तथा खोजी कार्यमा खटिएका सुरक्षा कर्मीद्धारा हालसम्म उनिहरुको अवस्था फेला पार्न नसकेकोले तालिम प्राप्त कुकुर सहितको प्रहरी टोली परिचालन गरी खोजी कार्यलाई तिब्र पारिएको कोशी प्रदेश प्रहरी प्रमुख डिआइजी राजेशनाथ बास्तोलाले जानकारी दिए । जिल्ला प्रशासन कार्यालय संखुवासभाका प्रमुख जिल्ला अधिकारी शिव कुमार कार्की, नेपाली सेना, नेपाल प्रहरी, सशस्त्र प्रहरी र नेपाल प्रहरीको २ वटा तालिम प्राप्त कुकुर सहितको टोलीले बेपत्ता भएका मानिसहरूको तिब्ररुपमा खोजतलास गरिरहेको छ । चैनपुर नगरपालिका–४ स्थित हेवा खोलामा आएको बाढी पहिरोले १७ जना, ...

पूर्णपुष्टि, असार १० । उपप्रधान तथा गृहमन्त्री नारायणकाजी श्रेष्ठले प्रहरी जवानदेखी हल्दारलाई १६ र असईदेखी सहिलाई १८ बर्षमा अवकाश दिने प्रस्ताव भईसकेको बताएका छन् । आईतबार संसदमा गृह मन्त्रालयको बजेटमाथिको छलफलमा उठेको प्रश्नको जवाफ दिने क्रममा उनले ३० बर्षे अवधि हटाउने गरी कानुनको मस्यौदा तयार भइसकेको बताए । प्रहरी संगठन भित्र बिषेशत प्रहरी जवान, सहायक हल्दार, हल्दार, असई, सहिको प्रोत्साहन र पदोन्नतीको व्यवस्था राम्रो नभएको गृहमन्त्रीले बताए । ९ महिनामा एसपीबाट डिआईजी, एआईजी, आईजी त्यस प्रकारले माथिल्लो स्तरको पदोन्नती हुने भएको छ भने १८–१९ बर्षसम्म एउटै पदमा जवान, हल्दार, असई भईरहेको स्थितिले पिडित अवस्थामा प्रहरी जवान देखी सईसम्मका व्यक्तिहरु रहेको उनले बताए । त्यो स्थितिलाई सम्बोधन गर्न क्याडर ल्याडर प्याट्रनलाई राम्रोसँग मिलाउन १६ बर्ष सेवा अवधि पुगेका जवान, सहायक हल्दार र हल्द...

पूर्णपुष्टि,असार १० । जिल्लाको उदयपुरगढी गाउँपालिकामा १२ वर्षीय बालिकालाई जबरजस्ती करणी गरेको अभियोगमा एक जनालाई प्रहरीले पक्राउ गरेको छ । पक्राउ पर्नेमा उदयपुरगढी गाउँपालिका–८, स्थित केलरपानी बस्ने ४७ वर्षीय टेकमान मोक्तान(तामाङ) रहेको प्रहरीले जनाएको छ । टेकमानले बुधबार दिउँसो गडेरेस्थित झाडीमा लगी जवरजस्ती करणी गरेको भन्ने प्रहरीमा उजुरी आए पछि उजुरीको आधारमा शनिवार दिउँसो अस्थाइ प्रहरी पोष्ट नेपालटारबाट खटिएको प्रहरीले उनलाई पक्राउ गरेको थियो । पक्राउ गरेकालाई अस्थाी प्रहरी पोष्टमा ल्याइ आवश्यक थाप अनुसन्धान सुरु भएको प्रहरीले जनाएको छ ।...

पूर्णपुष्टि, असार १० । उपप्रधान तथा गृहमन्त्री नारायणकाजी श्रेष्ठले विशिष्ट व्यक्तिहरूको सुरक्षामा खटिएका ३१६ जना सुरक्षाकर्मी फिर्ता गरिएको बताएका छन् । आइतबार प्रतिनिधि सभा बैठकमा मन्त्रालयगत बजेटमाथिको छलफलमा उठेका प्रश्नहरूको जवाफ दिने क्रममा बहालवाला तथा पूर्वविशिष्ट पदाधिकारीको सुरक्षामा खटिएका ३१६ जना सुरक्षाकर्मी गृह मन्त्रालयले फिर्ता गरेको श्रेष्ठले जानकारी गराएका हुन् । विशिष्ट व्यक्तिहरुको व्यवस्थापन कार्यविधि २०७७ विपरित बहालवाला तथा पूर्वविशिष्ट पदाधिकारीको सुरक्षामा खटिएका १९० जना नेपाल प्रहरी र १२६ जना सशस्त्र प्रहरी बलका गरी ३१६ सुरक्षाकर्मी फिर्ता गरिएको गृहमन्त्री श्रेष्ठले बताए । अहिले सरकारले कार्यविधि नै बनाएर त्यसम्बन्धी प्रतिवेदन तयार पारेको गृहमन्त्री श्रेष्ठले बताए । यसअघिका गृहमन्त्रीले विशिष्ट व्यक्तिहरूको सुरक्षामा खटिएका सुरक्षाकर्मी फिर्ता बोलाउने न...

पूर्णपुष्टि, असार १० । काठमाडौंको कागेश्वरी मनोहरा नगरपालिका –७ मा रहेको शुभ श्री वेक्वेट ब्लु हेमनको स्विमिङ पुलमा डुबेर एक युवकको मृत्यु भएको छ । शनिबार दिउँसो पोडी खेल्ने क्रममा सोही नगरपालिका ६ मुलपानी बस्ने १९ बर्षीय प्रभास अधिकारीको मृत्यु प्रहरीले जनाएको छ । स्विमिङ पुलमा अचेत अवस्थामा फेला परेका उनलाई पेप्सीकोलास्थित मदरल्याण्ड अस्पताल हुँदै सिभिल हस्पिटल बानेश्वर लगिएकोमा उपचारको क्रममा मृत्यु भएको हो । साथै पौडी खेल्ने क्रममा डुबेर घाईते भएका १९ वर्षीय सुरेन्द्र दाहालको अहिले केएमसी अस्पतालमा उपचार भइरहेको छ । यस घटना सम्बन्धमा आवश्यक अनुसन्धान गरिरहेको प्रहरीले जनाएको छ।...

पूर्णपुष्टि, असार १० । काठमाण्डौँ महानगरपालिकाका प्रमुख बालेन्द्र शाहविरुद्ध सर्वोच्च अदालतमा अवहेलनाको निवेदन दर्ता भएको छ । मेयर शाहले अदालतको अवहेलना गरेको भन्दै कार्वाहिको माग सहित अधिवक्ता वर्षाकुमारी झाले निवेदन पेश गरेकी हुन् । उनले पेश गरेको निवेदन न्यायाधीश प्रकाशकुमार ढुंगानाको एकल इजलासमा पेशी तोकिएको छ । इजलासले आवश्यक ठानेर निवेदन अघि बढाएमा मात्रै त्यसले मुद्दाको रुप लिनेछ । केही दिनअघि महानगरभरिका हलमा भारतीय फिल्म चल्न नदिने मेयर शाहको निर्णय विरुद्धको मुद्धामा उच्च अदालतले सेन्सर बोर्डले अनुमति दिएको भारतीय तथा अन्य फिल्म चल्न दिनु भनी आन्तरीम आदेश जारी गरेको थियो । अदालतले जारी गरेको आदेश आफुले नमान्ने र अदालत भारतबाट प्रभावित भएको भन्दै आलोचना समेत गरेका थिए ।...

पूर्णपुष्टि,असार १० । उदयपुरको कटारी नगरपालिका–४ का विपन्न मुसहर र डोम समुदायलाई घरमै पुगेर निःशुल्क स्वास्थ्य बीमा गरिएको छ । शनिवार वडाका बिभिन्न १९ मुसहर र ११ डोम समुदायका विपन्न परिवारको निःशुल्क स्वास्थ्य बीमा गरिएको हो । सरकारको स्वास्थ्य बीमा बोर्डअन्तर्गत विपन्न परिवारलाई निःशुल्क स्वास्थ्य बीमा गरिदिएर सहज र सहुलियतरूपमा उपचारका पहुँच पुर्‍याउने उद्देश्य रहेको कटारी अस्पतालका स्वास्थ्य बीमाको सहजीकरण गर्दै आएका कर्ण राईले बताए । मुसहर र डोम समुदायले यसबारे जानकारी नपाउँदा सेवा लिन नसकेकाले घरमै गएर जानकारीसहित बीमा गरिदिएको उनले जानकारी दिए । ‘उपचार गर्ने पैसा मुसहर र डोम समुदायसँग हुँदैन, यो सरकारी सेवाको पहुँचमा पुर्‍याए कम्तीमा वर्षमा १ लाख रुपैयाँसम्मको उपचार सरकारले गरिदिन्छ,’ सहजकर्ता राईले भने, ‘उपचारका लागि गुहार मागि हिँड्छन्, यति गरेपछि सरकारले उपचार सेवा दिन्छ ।’...