Month: ३ वर्ष अगाडि

पूर्णपुष्टि,असार २८ । जिल्लाको त्रियुगा नगरपालिका वडा नम्बर ९,गैरुनको झिल्लेटोल स्थित मदन भण्डारी राजमार्ग सडक खण्डमा प्रदेश सभा सचिवालयको स्कार्पियो दुर्घटना भएको छ । बिहिवार बिराटनगरबाट काठमाण्डौ तर्फ जाँदै गरेको को १ झ ६५६ नम्बरको स्कार्पियोलाई विपरित दिशाबाट आउँदै गरेको प्र।नम्बर १–०२–००१ख ९३२२ नम्बरको मिनि ट्रकले ठक्कर दिई दुर्घटना भएको हो । दुर्घट्नामा परी स्कार्पियामा उप–सचिव सहित ४ जना सामान्य घाईते रहेको जिल्ला ट्राफिक प्रहरी कार्यालय उदयपुरले जनाएको छ । दुर्घटनमा मोरङ बिराटनगर महानगरपालिका प्रदेश सभाका उप–सचिव गौतम अमात्यको ठाउँकोमा सामान्य चोट, मोरङग लेटाङ नगरपाकिला–३,का ५५ वर्षीय रेवा श्रेष्ठको अनुहारमा सामान्य चोट लागेको जनाएको छ । यस्तै सोही स्थानका बस्ने २३ वर्षीय रेनिशा श्रेष्ठको दाहिने हातमा सामान्य चोटपटक लागेकोे छ । यता मोरङ जिल्लाको बिराटनगर मनपा–५,मा बस्ने ४३ वर्षीय...

पूर्णपुष्टि, असार २७ । उदयपुरमा करेन्ट लागेर बुधबार एक सडकलाईन कर्मचारीको मृत्यु भएको छ । जिल्लाको त्रियुगा नगपालिका ४ बगाहा घर भएका ४० बर्षीय कौलाश राई भन्ने युबराज राईको काम गर्ने क्रममा करेन्ट लागी मृत्यु भएको जिल्ला प्रहरी कार्यालय उदयपुरले जनाएको छ । राई बगाहा ४ फर्सेटस्थित सडकको बिजुलीको पोलमा काम गर्ने क्रममा अचानक करेन्ट लाग्दा घाईते भएका थिए । घाईते राईलाई उपचारको लागी तत्काल जिल्ला अस्पताल उदयपुर ल्याएकोमा उपचारको क्रममा साढेँ ३ बजे मृत्यु भएको हो । उपचार गर्न ल्याएका राईको मृत्यु भएको अस्पतालले पुष्टी गरेको छ । जिल्ला प्रहरी कार्यालय उदयपुरका प्रहरी नायब उपरिक्षक हरिनन्दन चौधरीका अनुसारर यस घटना सम्बन्धको थप अनुसन्धान तथा कानुनी प्रकृयाको लागी प्रहरी निरीक्षक सहितको टोली घटना स्थल तर्फ खटिएको जनाए ।...

पूर्णपुष्टि, असार २७ । उदयपुरमा लागुऔषध सहित २ युवक पक्राउ परेका छन् । पक्राउ पर्नेमा त्रियुगा नगरपालिका ११ साकेला टोल बस्ने २१ बर्षीय शिव अधिकारी र त्रियुगा नगरपालिका ११ बुद्धचोक बस्ने २० बर्षीय सिताराम चौधरी रहेको जिल्ला प्रहरी कार्यालय उदयपुरले जनाएको छ । मंगलबार दिउँसो करिब साढेँ ३ बजेको समयमा त्रि.न.पा. ६ जलजले ढाट स्थित ईलाका प्रहरी कार्यालय जलजलेबाट चेकिङमा खटिएको प्रहरी टोलीले लहानबाट गाईघाट तर्फ आउँदै गरेको बसमा सवार उनिहरुलाई लागुऔषध सहित नियन्त्रणमा लिएको जिल्ला प्रहरी कार्यालयका प्रहरी नायब उपरिक्षक हरिनन्दन चौधरीले जानकारी दिए । प्रहरीले उनिहरुको साथबाट डाईजोपाम २२ एम्पुल,फेनार्गन २२ एम्पुल,ब्रुपिनोर्फिन २२ एम्पुल गरी जम्मा ६६ एम्पुल लागुऔषध बरामद गरेको चौधरीले बताए । पक्राउ परेका दुबै जनालाई जिल्ला प्रहरी कार्यालयमा ल्याई आवश्यक थप अनुसन्धान भईरहेको प्रहरीले जनाएको छ ।...

पूर्णपुष्टि, असार २७ । आजको राष्ट्रिय सभा बैठक स्थगित भएको छ । बिहान ११ बजे बोलाईएको बैठक विशेष कारण देखाउँदै स्थगित गरिएको हो । बिहिबार १० बजेसम्मका लागी बैठक स्थगित गरिएको छ । विशेष कारण भनिए पनि आज बिहान प्रधानमन्त्री प्रचण्ड पत्नी सीता दाहालको निधनपछि बैठक स्थगित गरिएको स्रोतले बताएको छ । दुर्लभ खालको पिएसपी रोगले पिडित रहेकी दाहालको बिहान ८ः३३ बजे नर्भिक अस्पतालमा निधन भएको हो । यो रोग एक लाख मानिसमध्ये ५–६ जनामा मात्र देखिन्छ ।...

पूर्णपुष्टि, असार २७ । नेपाली कांग्रेस केन्द्रीय समितिको बैठक स्थगित भएको छ । बुधबार दिउँसो १ बजेको लागी तय गरिएको बैठक प्रधानमन्त्री पुष्प कमल दाहाल (प्रचण्ड) पत्नी सीता दाहालको निधन भएपछि स्थगित भएको हो । कार्यवाहक मुख्यसचिव प्रदीप पराजुलीले केन्द्रीय समिति बैठक स्थगित गरिएको जानकारी दिएका छन् । उनले कांग्रेस केन्द्रीय समिति बैठक अब कहिले बस्ने भन्नेबारे विज्ञप्ति निकालेर जानकारी दिइने बताए । कांग्रेस सभापति शेरबहादुर देउवा प्रधानमन्त्री दाहाललाई समवेदना दिन नर्भिक अस्पताल पुगेका छन्।...

पूर्णपुष्टि, असार २७ । सडक डिभिजन कार्यालय लहानका लेखा अधिकृत पदम विनोद पोखरेल घुससहित पक्राउ परेका छन् । अधिकृत पोखरेललाई एक लाख रूपैयाँ घुस रकम लिईरहेको अवस्थामा अख्तियार दुरुपयोग अनुसन्धान आयोगले पक्राउ गरेको हो । अख्तियार दुरुपयोग अनुसन्धान कार्यालय बर्दिबासबाट खटिएको टोलीले मङ्गलबार साँझ कार्यालयमा छापा मारी पोखरेललाई घुससहित नियन्त्रणमा लिएको आयोगका सहायक प्रवक्ता देवीप्रसाद थपलियाले जानकारी दिए । सडक निर्माणको अन्तिम बिल भुक्तानी दिने प्रयोजनका लागि उनले घुस मागेको पाइएको छ। पोखरेल भौतिक पूर्वाधार तथा यातायात मन्त्रालयको सडक विभाग सङ्घीय सडक सुपरीवेक्षण तथा अनुगमन कार्यालय दमकअन्तर्गत सडक डिभिजन लहानका लेखा अधिकृत हुन्। पक्राउ पोखरेलमाथि थप अनुसन्धान अघि बढाएको आयोगले जनाएको छ ।...

पूर्णपुष्टि, २७ असार । बहुविवाह गरेको आरोपमा महोत्तरीका एक जना वडाध्यक्ष पक्राउ परेका छन् । प्रहरीले मंगलबार बेलुका महोत्तरीको भंगहा नगरपालिका वडा नम्बर ४ का वडाध्यक्ष गणेश महतोलाई बहुविवाह गरेको आरोपमा पक्राउ गरेको हो । वडाध्यक्ष महतोलाई उनका जेठी श्रीमती ललितादेवी महतोले दिएको उजुरीको आधारमा पक्राउ गरिएको जिल्ला प्रहरी कार्यालय महोत्तरीका डीएसपी दिलीपकुमार गिरीले जानकारी दिएका छन् । वडाध्यक्ष महतोलाई पक्राउ गरी थप अनुसन्धान गरिरहेको प्रहरीले जनाएको छ ।...