समाचार

पूर्णपुष्टि, असार २१ । सङ्घीय संसद्अन्तर्गत राष्ट्रियसभाको बैठक आज बिहान ११:१५ बजे बस्दैछ । बैठकमा बजेटका विभिन्न शीर्षकमाथि उठेका प्रश्नहरूको सम्बन्धित मन्त्रीहरूले जवाफ दिने कार्यसूची रहेको संसद् सचिवालयले जनाएको छ । आजको बैठकमा १२ वटा मन्त्रालयहरूमाथि उठेका प्रश्नहरूको जवाफ दिइने छ । यी मन्त्रालयहरूमा श्रम, शिक्षा, गृह, अर्थ, महिला बालबालिका, उद्योग, कृषि, भौतिक पूर्वाधार, खानेपानी, कानुन, भूमि व्यवस्था र रक्षा मन्त्रालय रहेका छन् । यसैगरी, अर्थमन्त्री वर्षमान पुनले प्रतिनिधि सभाबाट सन्देशसहित प्राप्त ‘विनियोजन विधेयक, २०८१ लाई पारित गरियोस्’ भन्ने प्रस्ताव पनि आजको बैठकमा प्रस्तुत गर्ने कार्यसूची रहेको छ । यो बैठकले बजेटमाथिको छलफललाई अघि बढाउनुका साथै विनियोजन विधेयकको प्रक्रियालाई पनि अगाडि बढाउने अपेक्षा गरिएको छ । मन्त्रीहरूको जवाफले बजेटका विभिन्न पक्षहरूमा थप स्पष्टता आउने ...

पूर्णपुष्टि, असार २१ । वैदेशिक रोजगारीमा जाने नेपाली कामदारहरू ठगीको शिकार हुने क्रम रोकिएको छैन। मेनपावर कम्पनीहरूले झुटो आश्वासन दिएर ठूलो रकम असुल्ने र विदेशमा सम्झौता विपरीतको काम लगाउने गरेको पाइएको छ। दाङका मेघराज भण्डारी मलेसिया गएर ठगिएका पीडित हुन्। उनी भन्छन्, ‘मैले तिरेको पैसा सबै फिर्ता चाहियो भनेको थिएँ। तर, आउने जाने टिकट खर्च भयो, अन्य के के खर्च भयो भनेर सबै पैसा काट्यो। जबरजस्ती मेलमिलाप गर्न लगाइयो। पीडितलाई झन् पीडा दिनेगरी सम्झौता भयो।’ पीडितहरूले न्यायको लागि वैदेशिक रोजगार विभागमा उजुरी गर्छन्, जहाँ प्रायः मेलमिलाप गराइन्छ। तर यो प्रक्रियामा पनि पीडितले पूरै क्षतिपूर्ति पाउँदैनन्।उनले एक लाख ७० हजार रूपैयाँ तिरेकोमा ७० हजार रुपैयाँमात्रै फिर्ता पाउने गरी सम्झौता भएको थियो । तर, भण्डारीले अझै मेलमिलाप सम्झौता अनुसारको रकम पूरै पाउन सकेका छैनन् । उनले हाल २० हजार ...

पूर्णपुष्टि, असार २१ । सर्वोच्च अदालतले उपप्रधान तथा गृहमन्त्री रवि लामिछानेमाथि सहकारी ठगी मुद्दामा निष्पक्ष अनुसन्धान गर्न आदेश दिएको छ। न्यायाधीशद्वय सपना प्रधान मल्ल र सारंगा सुवेदीको इजलासले गृहमन्त्री लामिछानेका नाममा परमादेश जारी गर्दै मातहतका अनुसन्धान निकायलाई निर्धक्क, निष्पक्ष र स्वतन्त्र रूपमा अनुसन्धान गर्न दिन निर्देशन दिएको हो। अदालतले गृहमन्त्री लामिछानेलाई अनुसन्धानमा प्रभाव नपार्न र स्वार्थ बाझिने विषयमा निर्देशन नदिन आदेश दिएको छ। साथै महान्यायाधिवक्ता कार्यालयलाई अनुसन्धानको अनुगमन गर्न निर्देशन दिइएको छ। तर लामिछानेको राजीनामा विषयमा न्यायाधीशबीच फरक राय देखिएको छ। न्यायाधीश मल्लले यो व्यक्तिगत विवेक र नैतिकताको विषय भएको बताएकी छन् भने न्यायाधीश सुवेदीले पद छाड्न मार्गप्रशस्त गर्नुपर्ने राय व्यक्त गरेकी छन्। अदालतले संसदीय छानबिन समितिले नियमित न्याय प्रणालीलाई ...

पूर्णपुष्टि, असार २१ । कर्णाली प्रदेश सरकारले यस वर्ष पनि बजेट खर्चमा असारे विकासको प्रवृत्ति दोहोर्‍याएको छ । जेठसम्म न्यून बजेट खर्च गरेको सरकारले असार महिना लागेसँगै खर्चमा तीव्रता दिएको छ । प्रदेश कोष तथा लेखा नियन्त्रक कार्यालयका अनुसार असारको पहिलो १९ दिनमा मात्र २ अर्ब ९८ करोड ९५ लाख रुपैयाँ खर्च भएको छ । यो रकम कुल वार्षिक बजेटको झण्डै ९ प्रतिशत हो । जेठसम्म मासिक ३–४ प्रतिशत मात्र खर्च हुने गरेकोमा असारमा एकैपटक वृद्धि भएको हो । चालु आर्थिक वर्षमा  कर्णाली सरकारले ३३ अर्ब ३७ करोड ९७ लाखको बजेट ल्याएको थियो । असार १९ सम्म कुल बजेटको ४६.८७ प्रतिशत अर्थात् १५ अर्ब ६५ करोड ३७ लाख रुपैयाँ मात्र खर्च भएको छ । बजेट कार्यान्वयन नहुनुमा टुक्रे योजना कार्यान्वयन नगर्ने निर्णय र सरकार परिवर्तन मुख्य कारण रहेको अधिकारीहरू बताउँछन् । यस वर्ष अधिकतम ५५ प्रतिशत मात्र बजेट खर्च हुने अनुमान ...

पूर्णपुष्टि, असार २१ । जल तथा मौसम विज्ञान विभागले आगामी तीन दिन मनसुन अत्यधिक सक्रिय हुने भन्दै ३० जिल्लालाई उच्च जोखिममा राखेको छ। विभागले असार २१ देखि २३ गतेसम्म गण्डकी, लुम्बिनी, कर्णाली र सुदूरपश्चिम प्रदेशका ३० जिल्लालाई ‘रेड जोन’ मा वर्गीकरण गरेको हो। विभागका अनुसार यस अवधिमा देशभर साधारणदेखि पूर्ण बदली रही अधिकांश स्थानमा हल्कादेखि मध्यम वर्षा हुनेछ। विशेषगरी रेड जोनमा परेका जिल्लाहरूमा भारीदेखि अति भारी वर्षाको सम्भावना रहेको छ। मौसम पूर्वानुमान महाशाखाका अनुसार न्यून चापीय रेखाका कारण मनसुन सक्रिय भएको र यो अवस्था केही दिन कायम रहने देखिन्छ। यसले गर्दा भारी वर्षा, बाढी–पहिरो, निम्न भूभागमा डुबान, सडक अवरोध र हवाई यातायातमा समेत प्रभाव पार्न सक्ने चेतावनी दिइएको छ। विभागले दैनिक जनजीवन, कृषि, स्वास्थ्य र पर्यटन क्षेत्रमा पर्न सक्ने प्रभावलाई मध्यनजर गर्दै सर्वसाधारण तथा स...

पूर्णपुष्टि, असार २१ । गृह मन्त्रालयले मनसुन सक्रिय हुँदै गएको सन्दर्भमा विपद् व्यवस्थापनको तयारी तीव्र पारेको छ। मन्त्रालयका सचिव एक नारायण अर्यालले बिहीबार भर्चुअल माध्यमबाट सबै जिल्लाका प्रमुख जिल्ला अधिकारी र सुरक्षा निकायका पदाधिकारीहरूसँग छलफल गरे। सचिव अर्यालले प्रमुख जिल्ला अधिकारीहरूलाई अत्यावश्यक कामबाहेक जिल्ला नछाड्न निर्देशन दिए। उनले स्थानीय तहसँगको समन्वयमा जोड दिँदै विपद्को बेला उद्धार तथा राहतका काम प्रमुख जिल्ला अधिकारीको नेतृत्वमा गर्नुपर्ने बताए। मन्त्रालयले प्रदेश सरकार, निजी क्षेत्र र सामाजिक संस्थाहरूसँग समन्वय गर्न, सडक खुलाउने उपकरण र कर्मचारीहरुको व्यवस्थापन गर्न, तथा तत्काल उद्धार र राहतका लागि हेलिकप्टर लगायतका साधन तयारी राख्न निर्देशन दिएको छ। विपद् पीडित परिवारसम्म पुग्न र कार्यान्वयनमा कुनै समस्या आएमा मन्त्रालयसँग समन्वय गर्न पनि आग्रह गरिएको छ। यी कद...

पूर्णपुष्टि, असार २० । राष्ट्रिय स्वतन्त्र पार्टी (रास्वपा) मा आन्तरिक विवाद चुलिएको छ। पार्टीका निलम्बित महामन्त्री मुकुल ढकालको विवादास्पद प्रतिवेदन बिहीबार सार्वजनिक गरिएको छ। कार्यवाहक प्रवक्ता मनिष झाले इमेलमार्फत यो प्रतिवेदन वितरण गरेका हुन्। ३८ जिल्ला भ्रमणपछि तयार पारिएको यो प्रतिवेदनमा ढकालले पार्टीभित्रको विकृति र असन्तुष्टिबारे खुलासा गरेका छन्। उनका अनुसार पार्टी सदस्यहरूले सरकारमा गएका मन्त्री र सांसदहरूलाई भेट्न नपाएको गुनासो व्यापक रूपमा सुनिएको छ। प्रतिवेदनमा पार्टी अध्यक्ष रवि लामिछानेको नेतृत्वशैलीमाथि पनि प्रश्न उठाइएको छ। ढकालले लामिछानेको ब्लु बस योजना र रोजगारी सिर्जनाको वाचा पूरा नभएको उल्लेख गरेका छन्। साथै, पार्टीमा ग्यालेक्सी टिभीका पत्रकारहरूको बढ्दो प्रभावबारे चिन्ता व्यक्त गरिएको छ। अन्य राजनीतिक दलहरूसँगको सम्बन्धबारे पनि प्रतिवेदनमा टिप्पणी गरिएको छ...

पूर्णपुष्टि, २० असार । लिम्चुङबुङ गाउँपालिकाले मदिरा पदार्थ र सुर्ति जन्य पदार्थ निर्यातमा रोग लगाउने निर्णय गरेको छ । मंगलबार पालिकाको १८ औँ कार्यापालिका बैठकले उक्त निर्णय पास गरेको हो । पालिकाबासीहरुलाई स्वास्थ्य स्वच्छ र बिक्रिति रहित बनाउने भन्दै उक्त पदार्थ आयातमा रोक लगाईएको पालिकाले जनाएको छ । पालिका अध्यक्ष मेजर कुमार राईको अध्यक्षतामा बसेको कार्यपालिका बैठकको निर्णय नं २ ले अन्यत्रबाट आयात गरिने सिसाजन्य मदिरा तथा अन्य पेय पदार्थहरुमा रोग लगाएको हो । बियर, रक्सी, कोक, डिउ, फेन्टा, रेडवुल जस्ता पेय पदार्थ र सुर्तिजन्य खैनी, चुरोट, गुड्खा आदी सुर्ती जन्य पदार्थहरुमा रोग लगाउने निर्णय गरेको पत्रमा उल्लेख गरिएको छ । उक्त कार्यले लिम्चुङ्ब्ुङबासीहरुको गम्भीर स्वास्थ्य अवस्थालाई नियन्त्रण गर्ने पत्रमा भनिएको छ । स्थानीय आर्थिक अर्थतन्त्रको सुधार, महिला तथा घरेलु हिंसाको अन्त्य, गाउँ ब...

पूर्णपुष्टि, २० असार । त्रियुगा नगरपालिका वडा नं १५ मा दुई सिचाई कुलो मर्मतको योजना संञ्चालनमा आएको छ । बिहिबार १५ नं वडा कार्यालयको आयोजनामा उक्त सिँचाई योजनाको उद्घाटन भएको छ । अधेरी खोला भलढुङ्गा बरुवा र अधेरी केराबारी सिँचाई कुलो निर्माण कार्यको योजना उद्घाटन भएको वडा अध्यक्ष गणेश तिमिल्सिनाले जनाए । उक्त सिँचाई मर्मतले कृषक तथा स्थानीयहरुको बाली उत्पादनमा सहज दिने र अपुग सिंचाईको व्यवस्थापन हुने अध्यक्ष तिमिल्सिनाको भनाई छ । उद्घाटन कार्यक्रममा त्रियुगा नगरपालिका वडा नं १६ का अध्यक्ष मान बहादुर राई, १४ का हिम राज मगरको पनि सहभागी रहेका थिए । उक्त सिंचाई मर्मतले स्थानीय वडावासीहरु उत्साहित छन् ।...

पूर्णपुष्टि, असार २० । महोत्तरी प्रहरीले गौशालामा भएको गोली प्रहार र लुटपाट घटनाका दुई आरोपीलाई पक्राउ गरेको छ। पक्राउ पर्नेमा धनुषाका ४७ बर्षीय शशी शंकर कापर र महोत्तरीका ३० बर्षीय आशिष कुमार कंठ रहेका छन् । गत जेठ २८ गते गौशाला नगरपालिकामा विनयकुमार सिंहमाथि गोली प्रहार गरी सुनको सिक्री लुटिएको थियो। प्रहरीले घटनास्थलबाट गोली र खोका बरामद गरेको थियो। पक्राउ परेका दुवै जना पटके अपराधी रहेको र विगतमा जेल सजाय भुक्तान गरेर छुटेका खुलेको छ । उनीहरूबाट लोड भएको कटुवा पेस्तोल र मोटरसाइकल बरामद गरिएको छ । प्रहरी उपरीक्षक नकुल पोखरेलका अनुसार यी दुवै पेशेवर अपराधी हुन् । अपराधीहरूलाई कानुनी कारबाहीको दायरामा ल्याइएको प्रहरीले जनाएको छ।...