समाचार

गाईघाट÷पूर्णपुष्टि, असोज २४ । राष्ट्रिय स्वतन्त्र पार्टी (रास्वपा) ले उदयपुर जिल्लाको पश्चिमी भागमा रहेको कटारी नगरपालिकाबाटै राहदानी वितरण तथा नवीकरण सेवा उपलब्ध गराउनुपर्ने माग माग गरेको छ । राष्ट्रिय स्वतन्त्र पार्टी (रास्वपा) नगर कमिटी कटारीले बिहिबार जिल्ला प्रशासन कार्यालय उदयपुरका प्रमुख जिल्ला अधिकारी प्रेम प्रसाद लुइँटेललाई ज्ञापनपत्र बुझाउँदै यो माग गरेको हो । जिल्लाको पश्चिमी क्षेत्रका नागरिकहरूले राहदानी बनाउन वा नवीकरण गर्न सदरमुकाम गाइघाट जानुपर्ने बाध्यता रहेको गुनासो छ । यसले सेवाग्राहीहरूलाई आर्थिक रूपमा बोझ थपिनुका साथै समय र श्रम बर्बाद भएको उल्लेख गर्दै कटारीबाटै यो सेवा सञ्चालन गर्न आग्रह गरिएको छ । नगर सभापति सुरेन्द्र जयसवाल, जिल्ला सभापति चित्रकुमार कार्कीसहित यस क्षेत्रका रास्वपाका विभिन्न नेताहरूले हस्ताक्षर गरेको ज्ञापनपत्रमा स्थानीय नागरिकहरूको सहजताका लागि यो...

पूर्णपुष्टि, असोज २४ ।  जेनजी युवा प्रतिनिधिहरूले राष्ट्रपति रामचन्द्र पौडेल समक्ष विभिन्न सुधारका लागि आठ बुँदे माग पेश गरेका छन् । वार्ता टोलीका सदस्य प्रवेश दाहालका अनुसार असोज २२ गते भएको भेटमा प्रस्तावित सम्झौतापत्रमार्फत मागहरू बुझाइएको हो । भदौ २३ र २४ गते भएको आन्दोलनमा सहभागी व्यक्तिहरूलाई कुनै किसिमको अभियोजन नगर्ने र उचित सुरक्षा प्रदान गर्नुपर्ने माग गरिएको छ । राज्यका निकाय र राजनीतिक दलबाट हुनसक्ने आक्रमणबाट पनि सुरक्षा दिनुपर्ने माग छ । हालसम्म सार्वजनिक पद धारण गर्ने व्यक्तिहरूको सम्पत्ति छानबिन गरी आवश्यक भएमा अभियोजन चलाउनुपर्ने र त्यस्ता सम्पत्ति राष्ट्रियकरण गर्नुपर्ने प्रस्ताव राखिएको छ । निजामती कर्मचारीहरूलाई जनउत्तरदायी बनाउन आवश्यक कानुनी व्यवस्था गर्नुपर्ने माग समेत राखिएको छ । आगामी निर्वाचनपछिको संसदबाट सबै संवैधानिक आयोगहरूलाई राजनीतिक हस्तक्षेपबाट मुक्त राख...

पूर्णपुष्टि, असोज २४ । इजरायल र हमासबीच भएको युद्धविराम सम्झौतालाई इजरायली मन्त्रिपरिषद्ले स्वीकृत गरेको छ । यो निर्णयसँगै गाजा र इजरायल दुवैतर्फ खुशियाली छाएको छ । सम्झौताअनुसार इजरायली बन्धक र प्यालेस्टिनी कैदीहरूको साटासाट गरिनेछ । अमेरिकाले प्रस्तुत गरेको २० बुँदे शान्ति प्रस्तावको पहिलो चरणअन्तर्गत युद्धविराम छिट्टै प्रभावकारी हुनेछ । हमासले सोमवारदेखि नै इजरायली बन्धकहरू रिहा गर्न थाल्ने अपेक्षा गरिएको छ । गाजाका नागरिकहरू यस घटनाक्रमलाई उत्साहपूर्वक मनाइरहेका छन् । अमेरिकी राष्ट्रपति डोनल्ड ट्रम्पले बिहीवार सबै बन्धकहरू अर्को साताको सोमवार वा मंगलवारसम्ममा मुक्त गरिने बताएका थिए । युद्धविरामपछि गाजाको प्रशासन सम्हाल्न प्यालेस्टिनी प्राधिकरणले तयारी थालेको अन्तर्राष्ट्रिय समाचार संस्थाहरूले जनाएका छन् ।...

पूर्णपुष्टि, असोज २४ । गत भदौ २३ र २४ गते जेनजी आन्दोलनमा भएको आगजनीले प्राविधिक शिक्षा तथा व्यावसायिक तालिम परिषद् (सीटीईभीटी) का विद्यार्थीको उत्तरपुस्तिका जलेर नष्ट भएपछि पुन:परीक्षा गरिने भएको छ । प्रहरी कार्यालयमा सुरक्षका लागि राखिएको उत्तरपुस्तिका जलेर नष्ट भएपछि पुन:४ मंसिरदेखी परिक्षा हुने सीटीईभीटीका प्रवक्ता टैलेन्द्र आचार्यले जानकारी दिए । सीटीईभीटीको डिप्लोमा, प्रमाणपत्र र प्रि–डिप्लोमा तहका १४ हजार ७०० वटा उत्तरपुस्तिका जलेको उनले बताए ।...

गाईघाट÷पूर्णपुष्टि, असोज २३ । उदयपुरको त्रियुगा नगरपालिका–४ बगाहामा तेश्रो स्व. युवराज (कैलास) राई स्मृती फुटबल प्रतियोगिता यहि असोज २५ गतेदेखी हुने भएको छ । बगाहा युवा समुहको आयोजना र जिल्ला फुटबल संघ उदयपुरको समन्वयमा बगाहाको खेल मैदानमा हुन लागेको प्रतियोगिताको उद्घाटन खेल आर.वाई.सी. सिराहा र इलाभेन स्टार बोक्सेबिच हुनेछ । यस प्रतियोगिताको विजेता टोलीले नगद रु. ५१ हजार नगद सहित ट्रफी, मेडल र प्रमाण पत्र प्राप्त गर्नेछ भने उपविजेताले नगद रु. ३१ हजार नगद सहित ट्रफी, मेडल र प्रमाण पत्र प्राप्त गर्नेछ । यस प्रतियोगितामा ८ वटा टिमको सहभागीता रहेको छ । यहि असोज २५ गतेदेखी सुरु हुने प्रतियोगिताको फाईनल खेल कार्तिक १ गते हुनेछ । यस प्रतियोगितामा हरेक दिन म्यान अफ द म्याच र विद्यागत पुरस्कार समेत वितरण गरिने आयोजकले जनाएको छ । स्व. कैलाश राई बगाहा युवा समुहका संस्थापक अध्यक्ष समेत हुन् ...

पूर्णपुष्टि, असोज २३ । उदयपुरमा विभिन्न जिल्ला कारागारबाट फरार भएका ९ जना कैदीलाई प्रहरीले पक्राउ गरेको छ । जिल्ला प्रहरी कार्यालय उदयपुरका एसपी राजन चापागाईका अनुसार जेन्जी पुस्ताद्धारा भएको आन्दोलन पश्चात फरार भएका कैदीहरुलाई भदौ र असोज महिनाको विभिन्न मितिमा पक्राउ गरिएको हो । पक्राउ पर्नेमा झुम्का कारागारबाट फरार भएका प्रविण सुन्दार÷धन बहादुर राई÷नरेश वि.क.÷योगेन्द्र राई, केन्द्रिय कारागार सुन्धाराबाट फरार ज्ञान बहादुर सार्की÷सन्त बहादुर राई, नक्खु कारागार ललितपुरबाट फरार दिले भन्ने दिलिप कार्कीसन्जिव अछामी भन्ने सन्जिव दर्जी, र जिल्ला कारागार बैतडीबाट फरार प्रेम बहादर तामाङ रहेको प्रहरीले जनाएको छ । पक्राउ परेका उनिहरु लागूऔषध, जबर्जस्ति करणी, कर्तव्य ज्यान, सवारी अंग भंग र डाका चोरी उधोग मुद्दामा कैद भुक्तान गरिरहेका थिए ।...

पूर्णपुष्टि, उदयपुर, असोज २३ काठमाण्डौँ । एमाले नेता महेश वस्नेतले जेनजी आन्दोलनलाई लक्षित गर्दे आफुलाई पक्राउ गरी देखाउनु चुनौती दिएको छ । एमाले पोलिट ब्यूरो सदस्य समेत रहेको बस्नेतले जेनजी आन्दोलनका घटनाहरूको हिसाब राखेको भन्दै आफूहरुलाई पक्राउ गरेर देखाउन चुनौती दिएका हुन् । बस्नेतले गृहमन्त्रीलाई अपराधीलाई कारबाही गर्न आग्रह गर्दै डिजीटल जेनरेसन फोर्स बनाएर उजुरी दिने योजना बताएका छन् । उनले भ्रष्टाचार छानबिन वर्तमान मन्त्री रामेश्वर खनाल र कुलमान घिसिङबाट सुरु गर्न अनुरोध गरेका छन्। उनले पञ्चायत र राजतन्त्रविरुद्ध लडेका एमालेहरू छाती फर्काएर नहिँड्ने उल्लेख गरे । ‘तिमीहरुको एक(एक हिसाब हुन्छ’ उनले भने । अपराधीलाई कारबाही गर्न उनले गृहमन्त्रीको ध्यानकर्षण गराए । एमाले भक्तपुर जिल्ला कमिटीले बिहीबार आयोजना गरेको कार्यक्रममा बोल्दै उनले सक्ने भए कारबाही गर्न गृहमन्त्रीलाई चुनौत...

पूर्णपुष्टि/उदयपुर, असोज २२ । जेनजी समुहको प्रदर्शनको क्रममा कारागारबाट फरार भएका एक कैदीले उदयपुरमा घर आएर हिजो आत्महत्या गरेका छन् । त्रियुगा नगरपालिका ८ शाहीखोला (राजाबास) का तुलबहादुर दनुवारका ३५ वर्षिया छोरा गम्भीरबहादुर दनुवारले आत्महत्या गरेको जिल्ला प्रहरी कार्यालय उदयपुरका प्रमुख एसपी राजन चापागाईले जानकारी दिनुभयो । एसपी चागाईका अनुसार दनुवारले कर्तब्य ज्यान मुद्दामा कैद सजाय भुक्तान गरिरहेका थिए । जेनजीको आन्दोलन भदौ २३ र २४ गते झुम्का कारागारबाट उनी फरार भएका थिए । फरार भएपछि घर आएका उनी घर नजिकैको सिसौको रुपमा झुण्डी मृत अवस्थामा फेला परेका थिए । सुनसरी जिल्ला अदालतले ०७७ चैत्र १३ गते कर्तब्य ज्यान मुद्दामा दोषी ठहर गरी कैद फैसला सुनाएको जनाइएको छ । २० वर्ष जन्मकैद तोकिएको थियो । आवश्यक कानूनी प्रकृयापछि उनको शब आफन्तलाई बुझाइएको प्रहरीले जनाएको छ । घटनाको बारेमा थप अनुसन्धा...

पूर्णपुष्टि/उदयपुर, असोज २१ । नेपाल प्रहरीले आजबाट खुलाएको नयाँ भर्नामा पहिलो दिन उदयपुर जिल्ला प्रहरी कार्यालयमा आज १३ जनाले नाम दर्ता गराएका छन् । जिल्ला प्रहरी कार्यालय उदयपुरका प्रहरी सहायक निरिक्षक तिलक कटुवालका अनुसार आजबाट दर्ता प्रक्रिया सुरु भएको छ । पहिलो दिन १३ जना युवा, युवतीले नाम दर्ता गराएका छन् । भर्ना आगामी कार्तिक २८ गतेसम्म खुल्ला रहनेछ । भोलीदेखि नाम दर्ताको संख्या बढ्ने अनुमान गरिएको छ ।...

पूर्णपुष्टि/उदयपुर, असोज २१ । उदयपुरको रौतामाई गाउँपालिकामा पर्ने सुनकोशीमा एक पुरुषको शब देखा परेको छ । माछा मार्ने क्रममा स्थानीयहरुले कोशीमा एक पुरुषको शब देखेको र प्रहरीलाई खबर गरेको जिल्ला प्रहरी कार्यालय उदयपुरका प्रमुख राजन चापागाईले जानकारी दिनुभयो । उहाँका अनुसार रौतामाई गाउँपालिकाको वडा नं. ३ बिमिरे गाउँमुनी कोशीमा शब देखिएको हो । शब अप्ठेरो ठाउँमा अल्झिरहेको छ । शब देखिएको स्थान जिल्ला सदरमुकामदेखि निकै टाढा रहेकोले आज प्रहरी पुग्न सक्ने अवस्था छैन । भोली विहानै प्रहरी खटिएर जाने भएको छ । राती कोशीमा थप बाढी आएमा भने बगाउन सक्ने अबस्था छ । उक्त शब बाढी पहिरोमा परि कतैबाट बग्दै आएर त्यहाँ अल्झिएको हुनसक्ने स्थानीयको अनुमान छ ।...