समाचार

उदयपुर, असार ५ । अखिल नेपाल ट्रेड युनियन महासङ्घको पेशागत सङ्गठन निर्माण मजदुर सङ्घ उदयपुरले नयाँ नेतृत्व चयनसहित चौथो जिल्ला सम्मेलन हिजाे सम्पन्न गरेको छ । अध्यक्षमा रामकुमार विश्वकर्मा चयन भएका छन् । चार मनोनितसहित २१ जनाको कार्यसमिति बनाइएको छ । सङ्घका केन्द्रीय अध्यक्ष अमित लामा र माओबादी केन्द्रीय सदस्य मोहन खत्री (दिपक), जिल्ला संयोजक दिवस कटुवालले उद्घाटन गरेको सम्मेलनले उपाध्यक्षमा खड्गबहादुर राई, सचिव बिनम मोते, सहसचिव सुरेश राई र कोषाध्यक्ष गोपाल मग्रातीलाई चयन गरेको छ । सदस्यमा देशवराज विश्वकर्मा, विदुर विश्वकर्मा, धनशेर राई, मानबहादर दनुवार, केदार रम्तेल, हेमराज राई, अश्विन राई छानिएका छन् । सम्मेलनले जिल्लाका ८ वटै स्थानीयतहबाट २–२ जनालाई प्रतिनिधित्व गराउने गरी सदस्य राखेको छ । जस अनुसार कटारी, बेलका, चौदण्डीगढी नगर, लिमचुङबुङ, रौतामाई, उदयपुरगढी र ताप्ली गाउँपालिकाबाट प्...

पूर्णपुष्टि, ४ असार । उदयपुरकै प्रमुख पर्यटक तथा धामिर्क स्थल रौता पोखरीको मुहार फेरिएको छ । श्रमदान मार्फत चलाईएको सरसफाई अभियानले पोखरीको मुहारै फेरिएको हो । झार र पतिङगारले दुषित पोखरी हेर्न लायक बनेकोे छ । पत्रकार तथा समाजसेवी समेत रहेका बुद्धि चाम्लीङ नेतृत्वको टोलीले सरसफाई गरेका थिए । श्रमदानकै लागि २१ जनाको टोलीले मङ्गलबार विहान ९ः०० बजेदेखि सुरु गरेको झार उखल्ने काम ३ः०० बजेसम्म पोखरी सफा गरेको हो । मन्दिर पछाडिको थोरै भागबाहेक सम्पूर्ण भाग झारले भरिएपछि खोसिएको पोखरीको सुन्दरता फर्केको अभियन्ता चामलिङले बताए । स्थानीय पत्रकारसमेत रहेका अभियन्ता चामलिङले श्रमदानका लागि त्रियुगा नगरपालिका ६ जलजलेका ६ जना युवा र बाँकी रौतामाई गाउँपालिका ६ पोखरी आसपास र विभिन्न वडाका युवाहरुले साथ दिएको बताए । सातादिनअघि रौता पोखरी पुगेका अभियन्ता चामलिङले त्यसबेला स्थानीय ४ जना भक्तजन...

पूर्णपुष्टि, असार ४ । उदयपुरको सदरमुकाम गाईघाटमा चौथो औद्योगिक पर्यटन तथा रैनाथे खाना महोत्सव सुरु भएको छ । दुई दिन सम्म चल्ने महोत्सवको औपचारिक रुपमा उद्घाटन बुधबार कोशी प्रदेश उपसभामुख सिर्जना दनुवारले गरिन् । महोत्सवमा रैथाने परिकार र आफ्नै स्थानीय उद्योगहरुमा उत्पादित वस्तुहरुको प्रदर्शनी गरिएको छ । यस अन्तगर्त आयुर्वेदिक औषधि, अर्गानिक आलु, औद्योगिक उत्पादनका लत्ता कपडा–ब्याग–गुडिया–स्कुलको युनिफर्म लगायत अन्य सामाग्रीहरुको प्रदर्शन गरिएको छ । महोत्सवमा करिब ३० वटा स्टल राखिएको छ । महोत्सव नेपाल घरेलु तथा साना उद्योग महासंघ कार्य समिति उदयपुरको आयोजनामा भएको हो भने पर्यटन कार्यालय धरान र नेपाल घरेलु तथा साना उद्योग कार्यालय उदयपुरले सहयोग गरेको छ ।...

पूर्णपुष्टि, ४ असार । उदयपुरको चौदण्डीगढी नगरपालिका–४ अमलचौरी गाउँमा एक किशोरी र एक युवाको शव फेला परेको छ । बुधबार एका विहानै बाटो छेवैमा लडिरहेको अवस्थामा अन्दाजी १७ वर्षीया मन्जु राईको शव फेला परेको हो भने नजिकै आँपको रुखमा झुण्डिएको अवस्थामा २८ वर्षीय रविन राईको शव फेला परेको हो । स्थानीयहरुका अनुसार यी दुईका बिच माया प्रेम थियो । स्थानीयहरुका अनुसार के कुन विषयामा कुरा नमिले पछि यो घटना भएको हुन सक्ने जनाए । घटनाको प्रकृति अनुसार सबैले त्यही अनुमान गरेका छन् । शव परीक्षणको लागि कानुनी प्रक्रिया भइरहेको इलाका प्रहरी कार्यालय बेल्टारले जनाएको छ । मृतक दुवै जना छिमेकी हुन् । घटनाबारे थप जानकारीहरु आउन बाँकी रहेको छ ।...

पूर्णपुष्टि, ३ असार । त्रियुगा नगरपालिका वडा नं १६ मा ३० लाख बढी लगानीमा आरसीसी सिंचाई कुलो निर्माण पछि कृषकहरु उत्साहित बनेको छ । मंगलबार नव निर्मित सिँचाईको औपचारिक उद्घाटन सँगै कृषकको खेतमा पानी पुगेको छ । वडाको भोर्ले स्थित सिंचाईको उद्घाटन त्रियुगा नगर प्रमुख बसन्त कुमार बस्नेत, उपमेयर महेश्वरी राई र वडा अध्यक्ष मान वहादुर राई सहितको जनप्रतिनिधिले उद्घाटन गरे । स्विस सरकारको ३० प्रतिशत, संघिय, प्रदेश र स्थानीय सरकारको २०/२० प्रतिशत गरि ६० प्रतिशत र १० प्रतिशत स्थानीय जनसहभागीता १० सहित ३० लाख ७६ हजार  आरसीसी सिंचाई निर्माण गरिएको वडाअध्यक्ष मान वहादुर राईले जनाउनुभयो । राईका अनुसार उक्त आरसीसी सिंचाई भोर्ले खोला देखि ७ सय ८ मिटर रहेको छ । यस सिंचाई कुलोले भोर्लेका १८ घर परिवारको १ सय १२ रोपनी जग्गाको आवश्यकतालाई पुर्ति गर्नेछ । आरसीसी सिंचाई योजना आफैमा मजबुद र दिर्घकालिन रहेको...

पूर्णपुष्टि, ३ असार । गाईघाटमा भोली बाट सुरु औद्योगिक पर्यटन तथा रैथाने खाना महोत्सवको सम्पूर्ण तयारी पुरा भएको छ । नेपाल घरेल तथा साना उद्योग महासंघ कार्य समिति उदयपुरको आयोजनामा हुने महोत्सव ४ र ५ गते दुई दिन संञ्चालन हुने छ । गाईघाट स्थित बाबारानी मार्ग रामजानकी पार्टी प्यालेर्समा हुने उक्त महोत्सवको उद्घाटन कोशी प्रदेशका उपसभामुख सिर्जना दनुवारले गर्ने छिन् । महोत्सवमा औद्योगिक उत्पादनको प्रदर्शन सँगै रैथाने खानाको परिकार झल्काईने छ । जस्ले गर्दा पर्यटनहरुलाई आकर्षित गर्नुका साथै उद्योग व्यवसायीहरुलाई प्रोत्साहन गर्ने छ । संघले बिगत देखीनै यस खाले महोत्सवहरु संञ्चालन गर्दै आईरहेको छ । महोत्सवमा जिल्लामा रहेका उत्पादनहरुलाई स्थान दिईएको छ । महोत्सवलाई पर्यटन कार्यालय धरान र नेपाल घरेलु तथा साना उद्योक कार्यालय उदयपुरले सहयोग गरेको छ ।...

पूर्णपुष्टि, ३ असार । उदयपुरको गाईघाटमा उद्योगिक प्रदर्शनी, पर्यटन तथा रैथाने खाना महोत्सव हुने भएको छ । नेपाल घरेलु तथा साना उद्योग महासंघ जिल्ला समिति उदयपुरको आयोजनामा यहि जेष्ठ ४ र ५ गते महोत्सव हुन लागेको हो । महोत्सवको लागि तयारी भैरहेको छ । गाईघााट स्थित रामजानकी पार्टी प्यालेर्शमा हुने महोत्सवमा पर्यटन आकर्षण, रैथाने खानाको जगेर्णा सँगै उद्योगी व्यवसायीहरुलाई प्रोत्साहन हुने गरी प्रदर्शन गरिने आयोजकले जनाएको छ । महोत्सवलाई पर्यटन कार्यालय धरान र घरेलु तथा साना उद्योग कार्यालय उदयपुरले सहयोग गरेको छ । महोत्सव बिहान ९ बजेदेखी बेलुकीको ६ बजे सम्म संञ्चालन हुने छ ।...

  पूर्णपुष्टि, १ असार । गाईघाटमा आयोजित स्व : गिता राई स्मृति रनिङ शिल्ड साकेला सिल्ली प्रतियोगिताको उपाधी धरानले कब्जा गरेको छ । किरात राई यायोख्खा ११, १२ र १३ नं वडा कार्य समितिको आयोजनामा शनिवार गाईघाट स्थित साकेला थानमा भएको प्रतियोगितामा धरानले पहिलो, दोस्रो र एउटा सन्त्वना सहित तिन ओटा उपाधी लगेको हो । प्रथम उपाधी धरान १५, दोस्रो उपाधी धरान १९ र सान्त्वना उपाधी धरान १३ गरी तिन ओटा उपाधीमा धरानले कब्जा गरेको छ । प्रतियोगिताको तेस्रो उपाधी भने तरहराले लगेको छ । किरात राई यायोख्खा वडा कार्य समिति १९, २० तरहरा सुनसरीले तेस्रो उपाधी लान सफल भएको हो । बाँकी दुई ओटा सान्त्वना उपाधी भने किरात राई यायोख्खा चौदण्डीगढी नगर कार्य समिति उदयपुर र किरात राई यायोख्खा त्रिनपा १० बोक्से बावरीले हात पार्यो । प्रथम, दोस्रो र तेस्रोलाई क्रमश : ३० हजार, २० हजार र १० हजार सहित प्रमाण पत्र व...

पूर्णपुष्टि, असार १ । उदयपुरमा सुनको सिक्रि चोरी गरी भाग्दै गरेको एक युवकलाई प्रहरीले पक्राउ गरेको छ । पक्राउ पर्नेमा पर्साको बिरगंञ्ज महानगरपालिका वडा नं. २० बस्ने अन्दाजी १९ बर्षीय सचिन राजपुत रहेको जिल्ला प्रहरी कार्यालय उदयपुरले जनाएको छ । जिल्ला प्रहरी कार्यालय उदयपुरका अनुसार शनिबार अन्दाजी ९ बजेर ४५ मिनेटको समयमा चौदण्डीगढी नगरपालिका–४ शनिबारे बजारबाट सोही स्थान बस्ने २ जना स्थानीय महिलाहरुले घाटीँमा लगाएको अन्दाजी १२ र १० आनाको २ वटा सिक्रि थुती भाग्ने क्रममा राजपुतलाई प्रहरी चौकी बसाहाबाट खटिएको प्रहरी टोलीले पक्राउ गरेको हो । पक्राउ परेका राजपुतलाई ईलाका प्रहरी कार्यालय बेल्टारमा राखी थप अनुसन्धान भइरहेको प्रहरीले जनाएको छ ।...

पूर्णपुष्टि, असार १ । उदयपुरको बेलका नगरपालिका वडा नं. ९ रंगलक्ष्मी पेट्रोलपम्प स्थित मदन भण्डारी राजमार्ग सडक खण्डमा मोटरसाईकल दुर्घटना हुँदा एक जनाको मृत्यु भएको छ । जिल्ला प्रहरी कार्यालय उदयपुरका अनुसार गत शुक्रबार बुद्दचोकबाट रामपुरतर्फ आउदै गरेको प्रदेश १–०५–००१ प १९१३ नं.को मोटरसाईकल कलबटको पिल्लरमा ठक्कर खाई दुर्घटना हुँदा चालक बेलका–६ बस्ने ४५ बर्षीय नबिन राईको मृत्यु भएको हो । शनिबार बिहान ६ बजे स्थानीय बासीले मोटरसाईकल दुर्घटना भएको खबर दिनसाथ ईलाका प्रहरी कार्यालय रामपुरठोक्सिलामाबाट खटिएको प्रहरी टोलीले शव पोष्टमार्टका लागी अस्पताल पठाएको प्रहरीले जनाएको छ । दुर्घटना सम्बन्धमा थप अनुसन्धान भईरहेको प्रहरीले जनाएको छ ।...