शिक्षा

पूर्णपुष्टि, १४ मंसिर । उदयपुर जिल्लाको कटारी–४ मा अवस्थित एभरेस्ट कलेजले यसै शैक्षिक सत्रदेखि बिबिए ९ब्याचलर अफ बिजनेस एडमिनिस्ट्रेशन० कक्षा सञ्चालन गर्न थालेको छ। बिहीबार कोशी प्रदेशका पूर्वमन्त्री तथा प्रदेश सभा सदस्य राम कुमार खत्रीको प्रमुख आतिथ्यतामा एक विशेष कार्यक्रमका बीच कलेजको औपचारिक उद्घाटन गरिएको हो। कार्यक्रममा प्रमुख अतिथि राम कुमार खत्रीले बिबिए कक्षा सञ्चालनसँगै यस क्षेत्रका विद्यार्थीलाई ठूला शहरमा धाउनु पर्ने बाध्यता अन्त्य भएको उल्लेख गर्दै व्यवस्थापन विषयमा दक्ष जनशक्ति उत्पादनको बाटो खुलेको बताउनुभयो। उहाँले यस कार्यक्रमले स्थानीय मात्र नभई छिमेकी जिल्लाका विद्यार्थीहरूलाई समेत उच्च शिक्षामा सहज पहुँच प्रदान गर्ने विश्वास व्यक्त गर्नुभयो। कटारी नगरपालिकाकी उपप्रमुख गीता खड्काले बिबिए कार्यक्रमले कटारी क्षेत्रको शैक्षिक प्रगतिमा महत्वपूर्ण उपलब्धि थपेको बताउँदै...

पूर्णपुष्टि, ८ मंसिर । मुर्कुची नमुना माविका बिपन्न विद्यार्थीहरुलाई शैक्षिक पोसाक वितरण गरिएको छ । उदयपुरको रौतामाई गाउँपालिका ७ स्थित नमुना माध्यमिक विद्यालय मुर्कुचीमा अध्ययनरत बिपन्न ३६ विद्यार्थीलाई शैक्षिक पोसाक बितरण गरिएको हो । उक्त पोसाक पूर्व विद्यार्थी समाज उदयपुरको समन्वयमा शुक्रबार ‘प्रकृति प्रेमी समाज उदयपुर’ले १२ छात्रा र २४ छात्रलाई प्रदान गरेका थिए । उनीहरुको आवश्यकता अनुसार पोसाक सर्ट, पाईन्ट, ट्रयाकसुट र जुत्ता बितरण गरिएको आयोजक प्रकृति प्रेमी समाजका अध्यक्ष दिनेशकुमार श्रेष्ठले बताए । बालबालिकालाई पोसाक वितरण गर्दै प्रमुख अतिथी शिक्षा विकास तथा समन्वय इकाईका प्रमुख शसीकुमार यादवले शैक्षिक अवस्था सुधार गर्न आमनागरिकको समान दायित्व रहने बताए । उनले भने, ‘बिद्यालयबाट मात्र शैक्षिक सुधार सम्भव नभएकाले, नागरिक तवरबाट हुने यस्ता कार्यक्रमले बालबालिकाको शैक्षिक गुणस्तर...

पूर्णपुष्टि, १ असोज । त्रियुगा नगरपालिका वडा नं १६ ले आर्थिक वर्ष २०८१र०८२ को वडागत कार्यक्रम अन्तर्गत विभिन्न शैक्षिक र सांस्कृतिक गतिविधिहरू सफलतापूर्वक सम्पन्न गरेको छ । ५० हजार रुपैयाँको बजेटमा वडा भित्रका विद्यालयहरूमा अतिरिक्त कार्यक्रमहरू संचालन गरिएको थियो । कार्यक्रममा हाजिरी जवाफ, वक्तृत्वकला, हस्तलेखन र म्युजिकल चेयर प्रतियोगिताहरू समावेश थिए । हाजिरी जवाफमा मावि भोर्ले प्रथम, मावि चिलाउने द्वितीय र मावि भोर्ले तृतीय भए । वक्तृत्वकला प्रतियोगितामा सावित्रा राई मावि चिलाउने प्रथम, करुणा राई मावि भोर्ले द्वितीय र सम्झना बिक चिलाउनें तृतीय, भए । यस प्रतियोगितामा कक्षा ६ देखि १० सम्मका २१ जना विद्यार्थीहरूले भाग लिएका थिए । हस्तलेखन प्रतियोगितामा कमला मगर मावि भोर्ले प्रथम, बिमिसा तामाङ द्वितीय र प्रतिमा मगर मावि भोर्ले तृतीय भए। यसमा कक्षा १ देखि ५ सम्मका विद्यार्थीहरूले भाग...

पूर्णपुष्टि, भदौ २० । उदयपुरमा १७ औं राष्ट्रिय पुस्तकालय दिवस र २१ औं संघम सामुदायिक पुस्तकालयको साधारण सभा भव्यताका साथ मनाइने भएको छ। भदौ २२ गते (शनिबार) त्रियुगा नगरपालिका–११ स्थित संघम सामुदायिक पुस्तकालयमा आयोजना हुने कार्यक्रममा (काठमाण्डौँ स्कुल अफ ल) का कार्यकारी निर्देशक प्रा.डा. युवराज संग्रौला प्रमुख अतिथिको रूपमा सहभागी हुने जनाइएको छ। कार्यक्रममा ‘निरन्तर शिक्षाका लागि पुस्तकालय’ विषयमा वृहत बहस हुनेछ। साथै संगित लगायतका नृत्य प्रस्तुति, वक्तृत्वकला, निबन्ध तथा कविता वाचन जस्ता सांस्कृतिक कार्यक्रमहरू पनि समावेश गरिएको छ। यस अवसरमा पुस्तकालय प्रेमी तथा जिल्ला प्रहरी कार्यालयका पूर्व प्रमुख एसपी रमेश थापालाई विशेष सम्मान गरिने कार्यक्रम रहेको छ।  ...

पूर्णपुष्टि, भदौ १० ।  त्रियुगा जनता बहुमुखी क्याम्पस मोडिगडाको ३७ औं वार्षिकोत्सव तथा क्याम्पस दिवस सम्पन्न भएको छ। सोमबार कोशी प्रदेशका उपसभामुख सिर्जना दनुवारको प्रमुख आतिथ्यमा क्याम्पसको सभाहलमा कार्यक्रम आयोजना गरिएको थियो। कार्यक्रममा पूर्व क्याम्पस प्रमुख रमेश चन्द्र रोक्का र पूर्व संचालक समितिका अध्यक्ष विरेन्द्र कुमार बस्नेत लगायतलाई सम्मान गरिएको थियो। साथै विभिन्न संकायका उत्कृष्ट विद्यार्थीहरूलाई पुरस्कृत गरिएको छ। सम्मानित विद्यार्थीहरूमा: मानविकी तथा सामाजिक शास्त्र संकाय: बालकुमारी जोशी (प्रथम) शिक्षा शास्त्र: करिष्मा मकाजु (प्रथम) व्यवस्थापन संकाय: सन्ध्या कार्की (प्रथम) बिआईसिटिई संकाय: अमरदिप रेग्मी (प्रथम) कक्षा १२ मा गत वर्ष प्रथम स्थान हासिल गरेका शिवराम राई र यस वर्ष प्रथम स्थान हासिल गरेका उदयानन्द पौडेललाई पनि सम्मान गरिएको थियो।कार्यक्रममा छात्...

पूर्णपुष्टि, साउन २९ ।  कैलाली जिल्लाका केही सामुदायिक विद्यालयहरूले कक्षा १ देखि ३ सम्म पूर्ण रूपमा निरन्तर मूल्याङ्कन प्रणाली लागू गरेका छन्। यस प्रणाली अन्तर्गत अब यी कक्षाहरूमा परम्परागत प्रश्नपत्र र परीक्षाको सट्टा निरन्तर मूल्याङ्कनका आधारमा विद्यार्थीको मूल्याङ्कन गरिनेछ। टीकापुर नगरपालिका, जोशीपुर गाउँपालिका, जानकी गाउँपालिका र लम्कीचुहा नगरपालिकाले यस शैक्षिक वर्षदेखि यो प्रणाली कडाइका साथ लागू गरेका छन्। शिक्षा अधिकारीहरूका अनुसार साना बालबालिकाको क्षमताको मूल्याङ्कन छोटो समयको परीक्षाले मात्र गर्न नसकिने भएकाले यो प्रणाली अपनाइएको हो। टीकापुर नगरपालिकाका शिक्षा अधिकृत नरेश अवस्थीका अनुसार, "अब हामीले ३ कक्षासम्म प्रश्नपत्र बनाउने, परीक्षा लिने काम गर्दैनौँ। निरन्तर मूल्याङ्कनका आधारमा उहाँहरूको नतिजा आउनेछ।" जोशीपुर गाउँपालिकाका शिक्षा अधिकृत सङ्ग्रामसिंह धामीले भने, "शैक्षिक ...

पूर्णपुष्टि, साउन २३ ।  राष्ट्रिय परीक्षा बोर्डले हालै सार्वजनिक गरेको कक्षा १२ को नतिजामा सुदूरपश्चिम प्रदेश सबैभन्दा कमजोर देखिएको छ। यस प्रदेशबाट परीक्षा दिएका विद्यार्थीमध्ये ६०.५७ प्रतिशत विद्यार्थीको नतिजा 'नन ग्रेडेड' (एनजी) आएको छ। सुदूरपश्चिम प्रदेशबाट ३५,६२८ विद्यार्थीले परीक्षा दिएकोमा केवल १४,०४६ जना मात्र उत्तीर्ण भएका छन्। यस प्रदेशबाट उच्च जीपीए (३.६ देखि ४.०) प्राप्त गर्ने विद्यार्थीको संख्या जम्मा १२१ रहेको छ। सुदूरपश्चिमपछि कर्णाली प्रदेश दोस्रो कमजोर देखिएको छ, जहाँ ५९.२४ प्रतिशत विद्यार्थी फेल भएका छन्। त्यसपछि क्रमशः कोशी, मधेस, लुम्बिनी, गण्डकी र बागमती प्रदेश रहेका छन्। यो समस्याको कारण बारे पूर्व सचिव डा. लवदेव अवस्थीले राज्यको ध्यान नपुगेको, शिक्षकको कमी, विकट भूगोल र गरिबी जस्ता कारणहरू औंल्याएका छन्। उनले शिक्षक र विद्यार्थीबीचको सम्बन्धलाई सुधार गर्नुपर्ने आवश...

पूर्णपुष्टि, साउन २३ । माध्यमिक शिक्षा परीक्षा (एसईई) को पूरक परीक्षा आजदेखि सुरु हुँदैछ। राष्ट्रिय परीक्षा बोर्डका अनुसार परीक्षा बिहान ११ बजेदेखि दिउँसो २ बजेसम्म सञ्चालन हुनेछ। बोर्डका सदस्य सचिव जंगबहादुर अर्यालका अनुसार यस वर्ष २ वा सोभन्दा बढी विषयमा ननग्रेड (एनजी) अर्थात् ११ कक्षा पढ्न असफल भएका विद्यार्थीहरूले पूरक परीक्षामा सहभागी हुन पाउनेछन्। उनले यस वर्ष एनजी ल्याएका करिब ५२ हजार विद्यार्थीहरू रहेको जानकारी दिए, तर सबैले पूरक परीक्षाको फारम नभरेको हुन सक्ने भएकाले यो संख्यामा केही फरक पर्न सक्ने बताए। राष्ट्रिय परीक्षा बोर्डको अनुसार पूरक परीक्षा साउन २३ गतेदेखि ३१ गतेसम्म सञ्चालन हुनेछ र त्यसका लागि ५५० केन्द्र तोकिएको छ। तर परीक्षाफल रद्द भएका विद्यार्थीहरूले भने पूरक परीक्षा दिन पाउने छैनन्। बोर्डले गत चैत १५ गतेदेखि भएको एसईई परीक्षाको नतिजा १३ असारमा सार्वजनिक गरेको थ...

पूर्णपुष्टि, साउन २० । उदयपुरको त्रियुगा नगरपालिका वडा नं. ११ स्थित पुष्पाञ्जली शिशु वाटिका विद्यालयका प्रिन्सिपल र फाउण्डर बेपत्ता भएपछि विद्यालयको पठनपाठन ठप्प भएको छ। विद्यालयका प्रिन्सिपल कर्ण कटेल गत साउन ११ गतेदेखि र फाउण्डर नै केही दिनदेखि सम्पर्कविहीन रहेका छन्। प्रिन्सिपल गत बिहीबार (साउन १० गते) विद्यालय आएको तर त्यसपछि बिना जानकारी अनुपस्थित रहेको शिक्षकहरूले जानकारी दिएका छन्। उनीसँग सम्पर्क गर्दा केटी हेर्न भिनाजु गोकुल वि.क. सँग काठमाण्डौँ गएको बताएको शिक्षकहरूले जनाएका छन्। सोमबार साउन १४ गते विद्यालयमा आएर केहि दिनभित्र विद्यार्थीहरूलाई अन्यत्र स्कुलमा सार्ने वा विद्यालयलाई व्यवस्थित तरिकाले सञ्चालन गर्ने भनिए पनि त्याे गरिएकाे छैन । विद्यालयको वार्डेन मनोज बस्नेत पनि विद्यालय आउने भनेर आएका छैनन्, बेपत्ता छन् । यस्तो अवस्थामा विद्यालयमा पठनपाठन प्रभावित भएको छ । अभिभ...

राष्ट्रिय परीक्षा बोर्डले कक्षा १२ को नतिजा सार्वजनिक गरेको छ। शुक्रबार बसेको बोर्डको बैठकले नतिजा सार्वजनिक गर्ने निर्णय गरेको हो। सार्वजनिक गरिएको नतिजा अनुसार नियमिततर्फ ५२.९१ प्रतिशत विद्यार्थी उत्तीर्ण (ग्रेडेड) भएका छन् भने ४७.०९ प्रतिशत विद्यार्थी नन ग्रेडेड (अनुत्तीर्ण) भएका छन्। गत वैशाख १४ गतेदेखि २४ गतेसम्म सञ्चालन भएको कक्षा १२ को परीक्षामा चार लाख ९१ हजार ४९७ विद्यार्थी सहभागी भएका थिए। बोर्डले पाँच हजार ५४२ विद्यालयका विद्यार्थीलाई एक हजार ५२६ परीक्षा केन्द्र मार्फत परीक्षा सञ्चालन गरेको थियो। उल्लेखनीय रूपमा जापानमा समेत एउटा परीक्षा केन्द्र रहेको थियो। यस वर्ष बोर्डले पहिलो पटक स्वचालित छनोट प्रणालीको प्रयोग गरेर परीक्षा केन्द्र निर्धारण गरेको थियो। तत्कालीन शिक्षा, विज्ञान तथा प्रविधि मन्त्रालय र बोर्डको प्राविधिक टोलीले 'पाइलट प्रोजेक्ट' को रूपमा सफ्टवेयर बनाई पहिलो पटक...