खेलकुद

पूर्णपुष्टि, जेष्ठ ३१ । ग्लोबल टी २० लिगमा नेपाली राष्ट्रिय क्रिकेट टोलीका खेलाडी सन्दिप लामिछाने र दीपेन्द्रसिंह ऐरी छनोट भएका छन् । क्यानडामा हुन लागेको तेस्रो संस्करणको ग्लोबल टी–२० प्रतियोगिताको लागी मंगलबार राति भएको ड्राफ्टमार्फत सन्दीपलाई सुर्रे जाग्वार्स र दीपेन्द्रलाई मोन्टरियल टाइगर्सले अनुबन्ध गरेको हो । सन् २०१८ मा पहिलो र सन् २०१९ मा दोस्रो संस्करण आयोजना भएयता प्रतियोगिता संचालन हुनसकेको थिएन । तेस्रो संकरणको प्रतियोगिता आउने जुलाइ २० देखि सुरु हुनेछ । नेपालबाट सोमपाल कामी र सन्दीपले यसअघि नै यो प्रतियोगिता खेलिसकेका छन् भने दीपेन्द्रले पहिलोपल्ट विदेशी फ्रेन्चाइज लिग खेल्न लागेका हुन् । सन्दीपले पहिलो संस्करणमा मोन्टरियल टाइगर्स र दोस्रो संस्करणमा टोरन्टो नेशनल्सबाट खेलेका थिए । सन् २०१९ मा सोमपालले विन्नीपेग हकका लागि खेलेका थिए ।...

पूर्णपुष्टि, जेष्ठ ३० । इमर्जिङ टिम्स कप क्रिकेटमा पाकिस्तानले नेपाललाई ९ रनले हराएको छ । हङकङमा जारी महिला इमर्जिङ टिम्स कपमा आज भएको खेलमा पाकिस्तनाले दिएको ८८ रनको लक्ष्य पछ्याएको नेपालले २० ओभरमा ६ विकेट गुमाएर ७८ रन बनाएको हो । नेपालका २ जना बाहेक अरु ब्याटरले दोहोर अंकमा रन बनाउन नसक्दा नेपाल पराजित भयो । ओपनर कविता कुँवर २० रनमा आउट भइन् भने कविता जोशीले नटआउट १५ रन बनाइन् । यसअघि नेपालले राम्रो बलिङ गर्दा पाकिस्तान १९.२ ओभरमा ८७ रनमै अलआउट भएको थियो । नेपालका लागि इन्दु बर्माले ३, कविता जोशी, सीता रानामगर र कविता कुँवरले २र२ विकेट लिए । इन्दुले लगातार २ बलमा २ विकेट लिइन् । पाकिस्तानकी शावाल जुल्फिकारले २८, कप्तान फातिमा सानाले १६, इमान फातिमाले १२, गुल फेरोजले ११ रन बनाइन । अन्य ब्याट्सम्यानले दोहोरो अंक जोड्न सकेनन् । २० रन बनाउनुका साथै २ विकेट लिएकी नेपालकी कविता कुँवर...

पूर्णपुष्टि,जेष्ठ २९ । जिल्लाको ताप्ली गाउँपालिकामा खेलकुद क्षेत्रको विकास गर्ने उद्देश्यका साथ अन्तरपालिका स्तरीय खुल्ला पुरुष भलिवल प्रतियोगिता आज देखि सुरु भएको छ । आज देखि तीन दिन सम्म सञ्चालनमा रहने प्रतियोगिताको उद्घाटन गाउँपालिकाका अध्यक्ष ढुङराज विश्वकर्माले गरेको हो । ताप्ली युवा तथा खेलकुद बिकास समितिको आयोजनामा र गाउँपालिकाको सहयोगमा आजबाट प्रतियोगिता सुरु भएको छ । प्रतियोगितामा ६ ओटा टिम सहभागी भएका छन् । दमक नगरपालिका झापा १, हलेसी तुवाचुङ नगरपालिका, त्रियुगा नगरपालिका र उदयपुरको ताप्ली गाउँपालिकाको तिन टिम विच प्रतिस्पर्धा हुने आयोजकले जनाएको छ । प्रतियोगितामा विजेता हुने टिमले नगद १ लाख ५१ हजार एक सय ११ सहित सिल्ड र प्रमाणपत्र, द्धितिय हुने टिमले नगद १ लाख १ हजार एक सय ११ र तेस्रो हुनेले ५१ हजार १ सय एघार नगद सहित शिल्ड र प्रमाणपत्र प्राप्त गर्ने आयोजकले जनाएको ...

पूर्णपुष्टि, जेष्ठ २९ । फिफा यु–२० विश्वकप फुटबलको उपाधि उरुग्वेले जितेको छ । अर्जेन्टिनामा भएको प्रतियोगिताको फाईनल खेलमा सोमबार बिहान इटलीलाई ०–१ गोलले हराउँदै उरुग्वेले पहिलो पटक उपाधि चुमेको हो । उरुग्वेलाई जित दिलाउन खेलको ८६ औं मिनेटमा लुसियानो रोड्रिगेजले गरेको गोल नै निर्णयक गोल बनेको थियो । उरुग्वेलाई जित दिलाउन खेलको ८६ औं मिनेटमा लुसियानो रोड्रिगेजले गोल गरे । रोड्रिगेजले गरेको गोल नै उरुग्वेको जितको लागी निर्णयक गोल बन्यो । यसअघि उरुग्वे १९९७ र २०१३ मा उपाधि नजिक पुगेर पनि उपाधि जित्न सफल भएको थिएन् भने तेस्रो प्रयासमा उपाधि जित्न सफल भएको हो । यू–२० विश्वकप सार्वाधिक जित्ने राष्ट्रमा अर्जेन्टिना पहिलो छ भने दोस्रोमा ब्राजिल रहेको छ । अर्जेन्टिनाले ६ पटक यो उपाधि जितेको छ भने ब्राजिलले ५ पटक जितेको छ ।...

पूर्णपुष्टि, जेष्ठ २८ । आईसिसी एक दिवसीय विश्वकप छनोट प्रतियोगिताका लागी नेपाली राष्ट्रिय क्रिकेट टोली आज जिम्बावे तर्फ गएको छ । प्रतियोगिताको तयारीको लागी दक्षिण अफ्रिका गएको टोली उतैबाट जिम्वाबे गएको हो । दक्षिण अफ्रिकमा दश दिनको बसाईमा नेपालले स्कटल्याण्ड र नेदरल्यान्ड्ससँग अभ्यास खेल खेलेको थियो । नेपाल दुबै अभ्यास खेलमा पराजित भएको थियो । अब नेपालले जिम्बावेमा प्रतियोगिताअघि ओमान र युएईसँग वार्मअप खेल खेल्नेछ। यस छनोट प्रतियोगितामा नेपाल सहित १० देशले प्रतिष्पर्धा गर्नेछ । दश टिमलाई दुई समुहमा विभाजन गरिएको छ । समुह ‘ए’ मा नेपाल सहित दुई पटकको विश्व विजेता वेस्ट इन्डिज, आयोजक जिम्बावे, नेदरल्यान्ड्स र अमेरिका रहेको छ भने समुह ‘बी’ मा श्रीलंका, आयरल्यान्ड, स्कटल्यान्ड, ओमान र युएई रहेका छन्। पाँच–पाँच टिमको दुई समूहका लिग खेलपछि दुवै समुहका शिर्ष तिन–तिन टिम सुपर सिक्समा छनोट ...

पुर्णपुष्टि, जेष्ठ २८ ।इंग्लिस क्लब म्यानचेस्टर सिटीले युरोपियन च्याम्पियन लिगको उपाधि जितेको छ । टर्कीको स्तानबुलमा शनिबार राति भएको फाइनल खेलमा सिटीले इटली क्लब इन्टर मिलानलाई १–० ले हराउँदै पहिलोपल्ट युरोपको सबैभन्दा ठुलो प्रतियोगिताको उपाधि चुमेको हो । सिटीलाई जित दिलाउन रोड्रीले खेलको ६८औं मिनेटमा गोल गरे । सिटी युरोपियन च्यम्पियन लिग जित्ने छैटौं इंग्लिस क्लब बनेको छ भने यस जितसँगै सिटीले (तीन मुख्य प्रतियोगिता) ट्रेबल उपाधि जितेको हो । यो सिजन सिटीले प्रिमियर लिग र एफए कपको उपाधि जितिसकेको छ । सिटी ट्रेबल उपाधि जित्ने दोस्रो इंग्लिस क्लब बनेको हो । यस अघि इंग्लिस क्लब म्यानचेष्टर युनाईटेडले सन् १९९९ मा ट्रेबल उपाधि जितेको थियो । सन् २०१६ मा सिटी आएयता प्रशिक्षक पेप ग्वार्डिओलाले च्याम्पियन लिगको उपाधिको लागी ८ वर्ष कुर्नुपर्‍यो । सन् २००८ देखि २०१२ सम्म बार्सिलोनालाई २ पल्ट च्...

पूर्णपुष्टि, जेष्ठ २७ । नेपालले बास्केट बल ‘फाईभ नेसन्स’ च्याम्पियनसिप प्रतियोगिता खेल्ने भएको छ । शुक्रबार पत्रकार सम्मेलन गर्दै नेपाल बास्केटबल संघका कार्यवाहक अध्यक्ष भीमसिंह गुरुङले नेपाली राष्ट्रिय पुरुष टोलीले माल्दिभ्समा हुने च्याम्पियनसिपमा भाग लिने बताएका हुन् । यस प्रतियोगितामा नेपाल सहित ५ राष्ट्रले प्रतिष्पर्धा गर्नेछ । बास्केटबल संघका महासचिव नरेन्द्र थापाका अनुसार यस च्याम्पियनसिपमा नेपालसहित माल्दिभ्स, बंगलादेश, भुटान र पाकिस्तानको सहभागिता रहेको छ । च्याम्पियनसिपको लागि नेपालको टोलीसमेत घोषणा गरिएको छ । नेपाली टोलीमा सदिश प्रधान, विनोद महर्जन, विजय बुर्जा, निकेश राखल मगर, मविन्द्र भण्डारी, अजय कुश्वाहा, दिवेश्वर शाह, आयुश सिंह, निश्चल महर्जन, मनीष केसी, अशिम श्रेष्ठ र श्रेयशबहादुर शाह रहेका छन् । प्रतियोगितामा उपाधि जित्ने लक्ष्यसहित नेपालले मुख्य प्रशिक्षक दिनेश नकर्...

पूर्णपुष्टि, जेष्ठ २५ । इंग्लिस क्लब वेस्टह्याम युनाइटेडले ४३ बर्षको उपाधि खडेरी तोड्दै युरोपा कन्फेरेन्स लिग जितेको छ । बुधबार राति भएको फाइनलमा इटालियन क्लब फियोरेन्टिनालाई २–१ ले हराउँदै वेस्टह्यामले उपाधि चुमेको हो । वेष्टह्यामले पछिल्लो पटक १९८० मा एफए कप जितेको थियो । वेस्टहमले युरोपियन क्लब फुटबलको तेस्रो श्रेणीको प्रतियोगिता जितेसँगै अर्को सिजन दोस्रो श्रेणीको युरोपा लिगमा स्थान पक्का गरेको हो । फाईनल खेलको ६२ औं मिनेटमा पेनाल्टीमार्फत वेस्टहमले आग्रता लिएको थियो भने खेलको ६७ औं मिनेटमा फियोरेन्टिनाका जियाकोमा बोनाभेन्तुराले गोल गर्दै खेल १–१ को बराबरी बनाए । त्यसपछि खेलको अन्तिम ९०औं मिनेटमा बोवेनले गोल गरेपछि वेस्टह्रामले उपाधि जितेको हो ।...