समाचार

पूर्णपुष्टि, २१ जेष्ठ । उदयपुरको त्रियुगा नगरपालिका वडा नं १६ का श्री सरस्वती सामुदायीक वन उपभोक्ता समूहले विपन्न घर परिवारलाई जस्ता वितरण गरेको छ । समूहको आर्थिक बर्ष २०८१÷०८२ को कार्य योजना अनुसार फुसको छानो विस्थापित गर्ने उदेश्य सहित समूहको ६८ विपन्न घर परिवारलाई आईतबार जस्ता वितरण गरेको हो । समूहका अध्यक्ष टोप बहादुर मगरका अनुसार आईतबार जाँते स्वास्थ्य चौकी परिसरमा जस्ता वितरण गरेको हो । मगरले बर्षेनी सामुदायीक वनको आम्दानीबाट उपभोक्ताहरुलाई आवश्यक कुराहरुमा सहयोग गर्दै आएको बताउनुभयो । वडाअध्यक्ष मान वहादुर राई सहितको जनप्रतिनिधि र कर्मचारी टोली सँगै संञ्चारकर्मीहरु समेतको बृहत उपस्थितिमा जस्ता वितरण गरिएको अध्यक्ष मगर बताउनुभयो । समूहका सचिव कोपिला राउत (कार्की) ले ६८ घर परिवारलाई ४० एमएम को ३ बन्डलको दरले २०४ बन्डल हरियो रंगको जस्ता वितरण गरिएको बताउनुभयो । समूहमा रहेका १७०...

पूर्णपुष्टि, २० जेष्ठ । ढुसी परेको पाउरोटीबारे सचेत गराउन गएका एकीकृत समाजवादी युवा संघ त्रियुगा नगरका अध्यक्ष समेत रहेका सुभनारायण ठाकुर बेनी माथी भएको निर्घात कुटपिटमा संलग्नलाई तत्काल पक्राउ गरी कार्वाही गर्न माग गरेको छ । मंगलबार ठाकुर आफै अध्यक्ष रहेका संघले प्रेस बिज्ञाप्ती जारी गर्दै कुटपिटमा संलग्न पसल संञ्चालक दिनेश चौधरीको भतिज प्रसान्त चौधरी लगायत कुटपिटमा संलग्नहरुलाई तत्काल पक्राउ गरी कार्वाहीको दायरामा ल्याउन बिज्ञाप्तीमा माग गरिएको छ । ठाकुरलाई गुणासो गर्ने क्रममा पत्रकार लिएर गएको भन्दै पछाडीबाट आक्रमण गरी कुटपिट गरेको थियो । मुनाफाको नाममा गुणस्तरहिन पाउरोटी बेच्दै स्वास्थ्यमा खेलबाँड गर्ने व्यपारी र उद्योगलाई पनि कानुनी दायरामा ल्याउने र कार्वाही गर्न माग गरिएको छ । यता प्रहरीले भने अझै पनि फरार व्यक्तिहरुलाई पक्राउ नगरेको पिडितले जनाएको छ ।...

पूर्णपुष्टि, २० जेष्ठ । गणतन्त्र दिवसको अवसर पारी आयोजना गरिएको पारा खेलकुदका प्रथम, द्धितिय र तृतिय हुनेहरुलाई पुरस्कार प्रदान गरिएको छ । त्रियुगा नगरपालिकाको सामाजिक विकास शाखाको आयोजनामा जेष्ठ १५ गते बिहिबारका दिन अपाङ्गता भएका व्यक्तिहरुका लागि पारा खेलकुद अन्तर्गतका खेलहरु लुँडो, वल पास र म्युजिकल चियर जस्ता खेल खेलाईएको थियो । उक्त खेलमा पहिलो, दोस्रो र तेस्रो हुने खेलाडीहरुलाई नगद पुरस्कार, सम्मान पत्र र मेडलल प्रदान गरिएको हो । त्रियुगा नगर प्रमुख बसन्त बस्नेत, उपप्रमुख महेश्वरी राई, सामाजिक बिकाश शाखाका प्रमुख राज कुमार खड्का लगायतको उपस्थितिमा पुरस्कार तथा सम्मान पत्र वितरण गरिएको हो । आउँदो समयमा यति मात्रै खेलहरुलाई सिमित नबनाई थप खेलहरु पनि सहभागी गराईने जनाईएको छ ।...

पूर्णपुष्टि, २० जेष्ठ । त्रियुगा नगरपालिका वडा नं ११ को वाल संञ्जाल अध्यक्षमा पिसजोन एकेडेमीकी सुस्मिता थापा र उपाध्यक्षमा पुष्पान्जली बोर्डिङ्की रोनिया वि.क निर्वाचित भएकी छिन् । मंगलबार त्रियुगा नगरपालिकाको सभाहलमा भएको निर्वाचनमा अध्यक्षका लागि ६ जना र उपाध्यक्षका लागि ५ जना भिडेका थिए । ठुलो टकरावकाबीच पिसजोनकी थापा र पुष्पान्जलीकी रोनिया अध्यक्ष र उपाध्यक्षमा निर्वाचि भए । यता सचिवमा भने त्रियुगा नमुना माध्यमिक विद्यालयका थिरोजा गजमेर र कोषाध्यक्षमा नमुना बोर्डिङका जोसिव थापा निर्वाचित भएका हुन् । यस्तै सदस्यहरुमा प्याराडाईज बोर्डिङ्का रियाज राउत, रिदम राउत, लालिगुँरास बोर्डिङ स्कुलका नितु चौधरी, समता स्कुल गाईघाटका सौरभ राई, उदयपुर बोर्डिङका बिनु थापा, सोना शेर्पा, गाईघाट माविका अनिस बराईली, क्यानभास एकेडेमीका भिजन कार्की र किन्जल बस्नेत निर्वाचित भएका छन् । उक्त निर्वाचनका लागि...

पूर्णपुष्टि, जेष्ठ २० । उदयपुरमा पालिका स्तरीय १५ औँ राष्ट्रपती रनिङ शिल्ड प्रतियोगिता सुरु भएको छ । मंगलबार त्रियुगा नगरपालिका वडा नं. १३ स्थित थारुहट रंगशालामा ‘स्वास्थ्यको लागी खेलकुद, राष्ट्रको लागी खेलकुद’ भन्ने मुल नाराका साथ उदयपुर जिल्ला खेलकुद विकास समितिको आयोजनामा २ दिने रनिङ शिल्ड संचालन भएको हो । यस रनिङ शिल्डमा उदयपुर जिल्ला भरिका नगरपालिका र गाउँपालिकाको प्रतिनिधित्व गर्दै आएका विद्यालयहरुले प्रतिस्पर्धा गर्नेछ । रनिङ शिल्डमा समावेश गरिएका ६ विधाका खेलहरुमा उसु, कराते, कबड्डी, भलिबल, तेक्वान्दो र एट्लेटिक्स रहेको छ । पालिका स्तरीय रनिङ शिल्ड विजेताले उदयपुरको प्रतिनिधित्व गर्दै यहि जेष्ठ २५,२६ र २७ गते हुने कोशी प्रदेश राष्ट्रपती रनिङ शिल्ड प्रतियोगितामा सहभागी जनाउने छ ।...

पूर्णपुष्टि, १९ जेष्ठ । गाईघाटका एक पसलमा ग्राहाक कुटिएको छ । त्रियुगा नगरपालिका वडा नं ११ पुरानो गाईघाट निवासी सुभनारायण ठाकुर ९वेनी० लाई सोमवार पसलमै कुटपिट गरिएको हो । ठाकुरलाई छिमेकी रमितलाल चौधरीका छोरा २१ बर्षिय प्रसान्त चौधरी र त्रियुगा नगरपालिका वडा नं १२ बुद्ध चोकका अन्दाजी ३० बर्षिय सन्जु चौधरीले समेत गरी दुईजनाले कुटपिट गरेको हो । कुटाई खाने ठाकुर नानीका लागि भनेर बिहानपख पाउरोटी लिन पसल गएका थिए । पसलमा जाँदा ढुसी परेको पाउरोटी फेला पारेपछि पत्रकारलाई फोटो खिचेर पठाएका थिए । उक्त फोटो सँगै पसलमा पत्रकार सहित पुगेका ठाकुरले यस्तो गुनस्तरहिन सामाग्री बेच्न नहुने भन्दे सुझाएका थिए । पसले र ठाकुरबीच सामान्य छलफल पछि फ्याक्ट्रीलाई कार्वाही गर्नु पर्छ भन्दै हिड्न लाग्दा पछाडीबाट प्रशान्त चौधरी लगायतका व्यक्तिहरुले अचानक कुटपिट गरेका थिए । उनले पसलमाथी उति ठुलो आरोप नलगाएको भए...

पूर्णपुष्टि, बैशाख १९ । उदयपुरको त्रियुगा नगरपालिका वडा नं. ६ स्थित जलजलेमा सुरुक्षा निकायले मनसुन जोखिम अभ्यास सम्पन्न गरेको छ । सोमबार जलजले स्थित सिमेन्ट उद्योग नजिकैको पोखरीमा श्री पशुपती प्रसाद गण बोक्सेको आयोजना तथा शसस्त्र प्रहरी बल ५ नं. हेडक्वाटर त्रियुगाको समन्वयमा मनसुन अभ्यास सम्पन्न भएको हो । मनसुन अभ्यासमा काल्पानिक गाउँको निर्माण गरी नेपाली सेना र शसस्त्र प्रहरीको टोलीले बाढीमा फसेका मानिसहरुको उद्धार, प्राथमिक उपचार लगायतको डेमो प्रदर्शन गरेका थिए । नेपाली सेना र शसस्त्र प्रहरीसँग भएको विपदमा प्रयोग हुने समाग्रीहरुको प्रदर्शनी समेत गरिएको थियो । मनसुन अभ्यासमा विभिन्न निकायका प्रतिनिधि साथै विद्यार्थीहरुको बाक्लो उपस्थिति रहेको थियो । उदयपुर जिल्ला अति नै विपदको जोखिमा रहेको छ ।...

पूर्णपुष्टि, १९ जेष्ठ । उदयपुरमा पत्रकारहरुलाई अन्तर विविधता रिपोर्टिङका लागि एक दिने कार्याशला तथा छलफल कार्यक्रमको आयोजना गरिएको छ । महिला सशक्तिकरण स्रोत केन्द्र, फोनिज, उदयपुरको आयोजना तथा नेपाल पत्रकार महासंघ उदयपुरको समन्वयमा एक दिने कार्यशाला तथा छलफल कार्यक्रमको आयोजना गरिएको हो । सोमवार राजावास स्थित ओरेक नेपालको भवनमा गरिएको कार्यशालामा बिभिन्न पत्रकारहरुले अन्तर विविधताको बिषयमा जिज्ञासा राखेका थिए । ओरेक नेपाल उदयपुरकी कार्यकारी निर्देशक सुनिता मैनालीले महिलाहरुको बिषयलाई बिभिन्न तरिकाले बिषय उठान गरी समचार बनाउँदा प्रभावकारी हुने जनाईन् । अन्तर विविधताको रिपोर्टिङले गहिराई सम्म पुगेर समचारको वास्ताविकता पत्ता लगाउने र पिडितलाई न्याय दिने उनको भनाई थियो ।...

पूर्णपुष्टि, बैशाख १८ । राष्ट्रिय प्रजातन्त्र पार्टी नेपालका अध्यक्ष कमल थापासहित पाँच जना राजावादी नेताहरूलाई प्रहरीले नियन्त्रणमा लिएको छ । बालुवाटारमा सरकारले घोषणा गरेको निषेधित क्षेत्र तोडेर प्रवेश गर्न खोजेपछि उनीहरूलाई गिरफ्तार गरिएको जिल्ला प्रहरी परिसर काठमाडौंका एसपी अपील राज बोहराले जानकारी दिए । नारायणचौरबाट सुरु भएको राजावादीहरूको प्रदर्शन बालुवाटारतर्फ अघि बढ्दै जाँदा प्रहरीले राखेको सुरक्षा घेरा तोड्न खोजेपछि यो कारबाही भएको हो । प्रहरीका अनुसार पक्राउ परेका सबैलाई जिल्ला प्रहरी परिसर भद्रकालीमा राखिएको छ । राजसंस्था पुनस्थापना र हिन्दु राज्य घोषणाको मागसहित गत जेठ १५ गतेदेखि निरन्तर रूपमा राजावादीले प्रदर्शन गरिरहेको छ । हिजो पनि राजावादीहरूको प्रदर्शन बालुवाटार नजिकै पुगेको थियो तर प्रहरीको सुरक्षा व्यवस्थाका कारण उनीहरू निषेधित क्षेत्रभित्र प्रवेश गर्न सकेका थिएनन् ...