Month: ५ वर्ष अगाडि

पूर्णपुष्टि, माघ ३ ।  वडावासीको स्वास्थ्य परिक्षणको उद्देश्यले त्रियुगा नगरपालिका, १३ नम्बर वडा कार्यालयमा आज स्वास्थ्य शिविरको आयोजना भएको छ । वडा कार्यालयको सहयोग तथा जेसिज उदयपुरको आयोजना र त्रियुगा मेडिकल हल तथा सेभ लाईभ हेल्थ केयर प्रालिको समन्वयमा शिविर भएको हो । वडाध्यक्ष पशुपति चौधरीले उद्घाटन गर्नुभएको शिविरमा ओपिडि अन्तर्गतका सम्पूर्ण सेवा, भिडियो एक्सरे, सुगर परिक्षण र औषधि वितरण सेवा रहेका छन् । सम्पूर्ण सेवाहरु निःशुल्क छन् । वडाध्यक्ष चौधरीका अनुसार शिविर जेष्ठ नागरिकहरुलाई लक्षित गरी आयोजना गरिएको हो । सबैभन्दा जेष्ठ नागरिकबाट परिक्षण सुरु गरिएको शिविर दिनभर रहनेछ । वडाभरिका महिला, बालबालिका र बृद्धबृद्धाहरु शिविरमा स्वास्थ्य परिक्षण तथा सेवा पाउन आएको अध्यक्ष चौधरीले बताउनुभयो । खासगरी अहिलेको चिसो मौसममा बृद्धबृद्धाहरु र बालबालिकालाई स्वास्थ्य चुनौती थपिने कुराला...

पूर्णपुष्टि, माघ २ एक हप्ता भित्र कक्षा १२ को परिक्षा नतिजा सार्वजनिक हुने भएको छ । गत मंसिरमा सञ्चालित कक्षा १२ को परीक्षाको नतिजा माघ १० गतेसम्म सार्वजनिक गर्ने तयारी भइरहेको राष्ट्रिय परीक्षा बोर्डका अध्यक्ष प्रा.डा.चन्द्रमणि पौडेलले जानकारी दिनुभयो । परीक्षार्थीको डाटा रुजु गर्ने काम अन्तिम चरणमा पुगेका बोर्डका अध्यक्ष पौडेलले जानकारी दिनुभयो राष्ट्रिय परीक्षा बोर्डका अनुुसार डाटा रुजुमा ढिलाइ भएपछि पुस दोस्रो साता सार्वजनिक हुने भनिए पनि नतिजा प्रकाशनमा १ महिना ढिलो हुन लागेको हो । कोभिड–१९ महामारीका कारण स्थगित कक्षा १२ को परीक्षा मंसिर ९ गतेबाट सुरु भएर १६ गते सम्पन्न भएको थियो ।...

पूर्णपुष्टि,माघ २ त्रियुगा नगरपालिका–१२ को आयोजनामा सुरु दोस्रो वडाध्यक्ष कप फुटबल प्रतियोगितामा चौदण्डीगढी नगरपालिका–४ बसाहाले विजयी हात पारेको छ । वडा नं. १२ को आयोजनामा विसनपुरस्थित फुटबल खेल मैदानमा बिहीबार दिउँसोदेखि सुरु प्रतियोगिताको उद्घाटन खेलमा बसाहाले त्रियुगा नगरपालिका–१३ असारीलाई ५–४ गोल अन्तरले पराजित गर्दै विजयी भएको हो । निर्धारित समयमा दुवैपक्षबाट गोल हुन नसकेपछि टाईब्रेकरबाट प्रतिस्पर्धा गरेर नतिजा निकाल्नु परेको त्रिनपा–१२ का खेलकुद विकास समिति संयोजक विशाल राईले बताउनुभयो । राईका अनुसार बसाहाले असारीलाई टाईब्रेकरमा ५ गोल गरेको थियो भने असारीको टोलीले ४ गोल मात्र गर्न सफल भएको थियो । वडाध्यक्ष जयविक्रम राईले उद्घाटन गरेको प्रतियोगितामा म्यान अफ द म्याचको उपाधि बसाहाकै सुजन राईले पाएका वडाध्यक्ष जयविक्रम राईले जानकारी दिनुभयो । राईलाई ५ सय नगदसहित ट्रफि प्रदान ...

पूर्णपुष्टि, माघ २ उदयपुरमा २३ औँ भुकम्प सुरक्षा दिवस शुक्रबार मनाइएको छ । बिगतका भुकम्प र त्यसको क्षती असरहरुलाई स्मरण गर्दै अब आउने दिनमा यसबाट कसरी सुरक्षीत हुन सकिन्छ भन्ने सचेतना कार्यक्रम सहित गाईघाटको त्रियुगा माविमा दिवस सम्पन्न भएको हो । जिल्ला विपद् व्यवस्थापन समिति उदयपुरले आयोजना गरेको सो दिवसमा भकम्पले ग्रस्त भएकाहरुलाई  कसरी उद्धार गर्ने भन्ने अभ्यास सहित दिवस मनाइएको हाे । कार्यक्रममा सशस्त्र प्रहरीकाे तालिम प्राप्त उद्धारटाेलीले भुकम्पमा परेर घाइते भएका, घरभित्र फसेका र अग्लाेघरमाथि फसेकालाइ कसरी उद्धार गर्ने तरीकाका उदाहरण प्रस्तुत गरेका थिए । डेमाे प्रस्तुतीमा भुकम्पबाट चार घाइते मध्ये एकलाइ घरभित्रबाट र एकजनालाइ चारतल्लामाथिबाट उद्धार गरिएकाे देखाइएकाे  थियाे । हेर्दा साँच्चीकै झै लाग्ने प्रस्तुतीले कार्यक्रमका सहभागीहरूलाइ भुकम्पप्रति सचेतना जगाउनुका साथै उद्धारका...

पूर्णपुष्टि,माघ २ झापाको बुद्धशान्ति गाउँपालिका–३ बाट लागुऔषध ब्राउनसुगर सहित २ जना पक्राउ परेका छन् । स्थानीय ४१ बर्षीय दिनेश कुमा र ४३ बर्षीय शेषराज सापकोटालाई लागुऔषध सहित प्रहरीले नियन्त्रणमा लिएको हो । विशेष सूचनाको आधारमा जिल्ला प्रहरी कार्यालय झापा र लागुऔषध नियन्त्रण ब्युरो काकडभिट्टावाट खटिएको प्रहरी टोलीले उनीहरुलाई नियन्त्रणमा लिएको हो । प्रहरीले दिनेश कुमालाई ४ ग्राम लागूऔषध ब्राउनसुगर र नगद ४ हजार साथै सापकोटालाई १० ग्राम ब्राउनसुगर, कोडिन ३ बोतल,नाईट्रोजन २० चक्की,डिजिटल तराजु–१ थान र मोवाईल–२ थान बरामद गरेको छ । पक्राउ परेका दुवै जनाको सम्बन्धमा थप अनुसन्धान भईरहेको प्रहरीले जनाएको छ ।...

पूर्णपुष्टि,माघ २ दक्षिणपूर्वी अरब सागरमा बनेको न्यून चापीय क्षेत्र तथा पूर्वी बिहारमा बनेको न्यूनचापीय क्षेत्रको प्रभावले अझै तीन दिन देशको अधिकांश भूभागमा आंशिकदेखि सामान्य बदलीको सम्भावना रहेको छ । देशभरको मौसममा अझै तीन दिन आंशिकदेखि सामान्य बदली हुने देखिएको जल तथा मौसम विज्ञान विभागले जनाएको छ । आगामी तीन दिन देशको धेरैजसो स्थानमा मौसम बदलिइरहने भएकाले दिउँसोको अधिकतम तापक्रममा कमी भई चिसो महसुस हुने विभागले जनाएको छ  । हाल देशको पहाडी भूभागमा आंशिक बदली रहनुका साथै तराईका भूभागमा बाक्लो हुस्सु–कुहिरो लागेको छ । दिउँसो प्रदेश नं १, सुदूरपश्चिम, कर्णाली र गण्डकी प्रदेशका धेरै भूभागमा आंशिकदेखि सामान्य बदली रही देशका बाँकी भूभागमा आंशिक बदली हुनुका साथै सुदूरपश्चिम र कर्णाली प्रदेशका उच्च हिमाली भूभागका एक वा दुई स्थानमा हल्का हिमपातको सम्भावना रहेको विभागले जनाएको छ ।...

पूर्णपुष्टि, माघ २ किरात राई समुदायको नयाँ सम्वत यलेदोङ ५०८१ भव्यरुपमा मनाइएको छ । बेलका नगरपालिकाको वडा नं. ६ साकेला पार्कमा किरात राई योयोक्खाका केन्द्रीय उपाध्यक्ष राकेश राईले विहिबार कार्यक्रमलाई उद्घाटन गरी भव्यरुपमा मनाइएको हो । कार्यक्रमलाई सम्वोधन गर्दै उपाध्यक्ष राईले किरात राई समुदाय पूर्खाहरु इतिहासको कालखण्डदेखिनै वैज्ञानिक भएको बताउनुभयाे । किरात जाति यो भूमिको एक सृष्टिकर्ता भएको बताउँदै यहाँका सबै जातजातिका संस्कार संस्कृृृतिहरु राज्यको सम्पति भएको बताउनुभयाे । कार्यक्रममा चौदण्डीगढी नगरपालिकाका नगर प्रमुख खगेन्द्र राईले पूर्वाञ्चल १ नं. प्रदेशमा किरात राई समुदायको बाहुल्यता भएको बताउँदै नयाँ वर्ष यलेदाङको सबैमा शुभकामना व्यक्त गर्नुभयाे । त्यसैगरी वेलका नगरपालिकाका प्रमुख दुर्गाबहादुर थापाले किरात समुदायको बसोवास भएकोले यहाँ पहिलो पटक किरात राई संस्कृतिलाई प्राथमिक...

पूणर्पुष्टि, माघ १ ताप्लीमा ओली समूह पक्षले अगुवा कार्यकर्ताहरुलाई भेला गरी अन्तरक्रिया गरेको छ । पछिल्लो समयको राजनितिक घटनाको सामसामयीक घटनालाई मध्यनजर गर्दै मंगलबार ओली समूहले अगुवा कार्यकर्ताहरुलाई भेला गरी अन्तरक्रिया गरेको हो । १ सय ५० जना पालीका स्थरीय अगुवा कार्यकर्ताहरुको उपस्थितिमा  सांसद बिघटनको पक्षमा आफ्नो कुरा राख्दै भेला सम्पन्न भएको पालिका कमिटि सदस्य समिप राईले बताउनुभयो । माघ ७ गते ओली पक्षीय कमिटि गठन गर्ने समेत अन्तक्रियामा छलफल गरिएको राईले बताउनुभयो । नेपाल कम्यष्युनिष्ट पार्टीका जिल्ला सदस्य बाबुराम राईको अध्यक्षतामा औपचारिक भेला सम्पन्न भएको थियो । कार्यक्रममा प्रमुख अतिथि कला घले, केन्द्रीय सदस्य दुर्गा थापा, शैलेस लामा र बिद्यार्थी नेता सुरेन्द्र बस्नेत लगाएतले आफ्नो भनाईहरु राखेका थिए ।  प्रधानमन्त्री केपि शर्मा ओलीले संसद विघटन गरेसँगै नेकपा ओली समूह...

पूर्णपुष्टि, माघ १ राष्ट्रिय खेलकुद परिषदको सहायक प्रशिक्षक प्रकाश राई जिल्ला खेलकुद विकास समिति उदयपुरको प्रमुखमा नियुक्ती हुनुभएको छ । बिगत लामो समयदेखी कराँते प्रशिक्षको रुपमा उदयपुर रहेर काम गर्दै आउनुभएको राई यहि पौष १४ गतेबाट प्रमुखको रुपमा नियुक्ति हुनुभएको हो । उदयपुरमा २०५२ सालदेखी दरबन्दीमा कराँतेको साहयक प्रशिक्षकमा कार्यरत राई ६१ सालबाट भने स्थायी रुपमा प्रशिक्षकमा रहनुभयो । पछि राखेपले ६१ सालबाट स्थायी रुपमा आयोगबाटै सबै जिल्लाहरुमा प्रशिक्षक आह्वान गरी व्यवस्थीत गरेपछि स्थायी रुपमा कराँते प्रशिक्षको रुपमा उदयपुर रहनुएको थियो । राखेपले २०५२ सालबाट सबै जिल्लाहरुमा दरबन्दीको कोटामा सहायक प्रशिक्षकहरुलाई नियुक्त गरेका थिए भने ६१ साल बाट स्थायी रुपमा नियुक्ती गरी प्रशिक्षकहरुलाई व्यवस्थीत गरिएका थिए । खेलकुद विकास समितिमा कार्याभार सम्हाल्दै राईले पहिलो प्राथामिकता खेल...