Month: ३ वर्ष अगाडि

पूर्णपुष्टि, जेष्ठ २९ । त्रिभुवन अन्तराष्ट्रिय विमानस्थलबाट एक जर्मन नागरिक चरेस सहित पक्राउ परेका छन् । पक्राउ पर्नेमा ६३ वर्षीय पल रिस्ट रहेको लागुऔषध नियन्त्रण व्युरोका प्रवक्ता चक्रराज जोशीले जानकारी दिए । टर्किस एयरलाइन्सबाट काठमाडौंबाट इस्तनाबुल हुँदै सुत्तगार्ट जाँदै गरेका उनलाई आज बिहान प्रहरीले पक्राउ गरेको हो । बिमानस्थलमा प्रहरीले जाँच गर्दा उनको सुटकेसमा कार्बन पेपरले बेरेर लुकाएको ६ किलो भन्दा बढी चरेस बरामद गरेको हो । चरेस बरामद गरेपछि प्रहरीले ति व्यक्तिलाई लागुऔषध नियन्त्रण व्युरोमा जिम्मा लागएको प्रहरी उपरीक्षक जोशीले बताए । राहदानी नम्बर c9wl4kwol रहेको जर्मन नागरिकको थप अनुसन्धान भईरहेको प्रहरीले जनाएको छ ।  ...

पूर्णपुष्टि,जेष्ठ २९ । झापाको विर्तामोडमा सम्पन्न प्रदेश स्तरिय दोस्रो मिस्टर कञ्चनजंगा बडिविल्डिङका बिजेता बनेका उदयपुरका दिलिप कुमार चौधरीलाई गृह जिल्लामा भव्यताका साथ बधाई तथा सम्मान गरिएको छ । सोमबार गाईघाटको डिएम गेट स्थितमा रहेको (DNB fitness club)ले एक कार्यक्रमको आयोजना गरी त्रियुगा नगरपालिका प्रमुख बसन्त कुमार बस्नेतद्धारा विजेता चौधरीलाई बधाई तथा सम्मान ज्ञापन गरिएको हो । कार्यक्रमलाई सम्बोधन गर्दै नगर प्रमुख बस्नेतले नगरको आगामी निति तथा बजेट कार्यक्रममा बडिविल्डिङ प्रतियोगितालाई पनि धेरै-थोरै रुपमा समेट्ने र नगरको पस्कमा पनि यो प्रतियोगितालाई समावेश गर्ने बताए । उनका अनुसार युवा लक्षति यस प्रतियोगिताले शारिरीक रुपमा ससक्त्र बन्न मद्त गर्ने बताए । कोशी प्रदेशमा सम्पन्न हाल सम्मकै ठुलो धनराशी भएको प्रतियोगिताको उपाधी चुम्न सफल चौधरीलाई उनका टिम म्यानेजर सिर्दाथ श्रेष्ट,उनी ...

पूर्णपुष्टि, जेष्ठ २९ । फिफा यु–२० विश्वकप फुटबलको उपाधि उरुग्वेले जितेको छ । अर्जेन्टिनामा भएको प्रतियोगिताको फाईनल खेलमा सोमबार बिहान इटलीलाई ०–१ गोलले हराउँदै उरुग्वेले पहिलो पटक उपाधि चुमेको हो । उरुग्वेलाई जित दिलाउन खेलको ८६ औं मिनेटमा लुसियानो रोड्रिगेजले गरेको गोल नै निर्णयक गोल बनेको थियो । उरुग्वेलाई जित दिलाउन खेलको ८६ औं मिनेटमा लुसियानो रोड्रिगेजले गोल गरे । रोड्रिगेजले गरेको गोल नै उरुग्वेको जितको लागी निर्णयक गोल बन्यो । यसअघि उरुग्वे १९९७ र २०१३ मा उपाधि नजिक पुगेर पनि उपाधि जित्न सफल भएको थिएन् भने तेस्रो प्रयासमा उपाधि जित्न सफल भएको हो । यू–२० विश्वकप सार्वाधिक जित्ने राष्ट्रमा अर्जेन्टिना पहिलो छ भने दोस्रोमा ब्राजिल रहेको छ । अर्जेन्टिनाले ६ पटक यो उपाधि जितेको छ भने ब्राजिलले ५ पटक जितेको छ ।...

पूर्णपुष्टि, जेष्ठ २९ । बाजुरामा आज भुकम्प गएको छ । जिल्लाको बिछिया क्षेत्रमा केन्द्रविन्दु भएर बिहान ७ : ३८ मिनेटमा भुकम्प गएको राष्ट्रिय भूकम्प मापन तथा अनुसन्धान केन्द्रले जनाएको छ । राष्ट्रिय भूकम्प मापन तथा अनुसन्धान केन्द्रका सहायक प्राविधिक राजेश शर्माले ४.४ म्याग्निच्युडको भूकम्प गएको जानकारी दिए । बाजुरामा पछिल्लो समय पटकपटक भूकम्प गइरहेको छ ।...

पूर्णपुष्टि, जेष्ठ २९ । स्कटल्याण्डका पूर्व प्रथम मन्त्री निकोला स्टर्जन पक्राउ परेकी छन् । स्कटिस नेसनल पार्टी (एसएनपी) को आर्थिक सहयोग र वित्तिय सम्बन्धमा चलिरहेको अनुसन्धानको सम्बन्धलाई लिएर उनलाई आइतबार पक्राउ गरिएको हो। एसएनपी स्कटिश स्वतन्त्रताको समर्थक हो। प्रहरीले निकालेको विज्ञप्तीमा उनको नाम नलिई भनिएको छ ‘एक ५२ बर्षीया महिलालाई शंकास्पदका रुपमा हिरासतमा लिएर सोधपुछ भईरहेको छ । गत अप्रिलमा उनका श्रीमान्, पूर्व एसएनपी प्रमुख कार्यकारी पिटर मुरेलको गिरफ्तारी र रिहाई पछि उनलाई पनि पक्राउ गरिएको हो । स्टर्जनका प्रवक्ताले पुष्टी गरे कि उनी आइतवार प्रहरी अनुसन्धानमा भाग लिएकी थिइन्। प्रवक्ताले भने कि, निकोला स्टर्जनले आइतवार पुलिस स्कटल्याण्डसँगको एक अन्तर्वार्तामा भाग लिइन्, जहाँ उनलाई पक्राउ गरिएको थियो र अपरेशन ब्रांचफांर्मको सम्बन्धमा सोधपुछ गरिएको थियो ।...

पूर्णपुष्टि, जेष्ठ २९ । कोशी प्रदेश सभाको बैठक बुधबार बस्ने भएको छ । कोशी प्रदेश सभाको जेठ २३ गते सम्पन्न बैठकपछि सभामुख बाबुराम गौतमले अर्को सुचना जारी नभएसम्म बैठक स्थगित गरेका थिए । प्रदेश सभा सचिवालयका सचिव गोपालप्रसाद पराजुलीले कोशी प्रदेशसभा नियमावली, २०७४ को नियम ६ बमोजिम प्रदेशसभाका सबै सदस्यलाई जानकारीको लागि सुचना जारी गरेको जानकारी दिए । जारी भएको सुचनामा यही जेठ ३१ गते बुधबार दिउँसो १ बजे बैठक बस्ने उल्लेख छ ।...

पूर्णपुष्टि, जेष्ठ २९ । आज बस्ने प्रतिनिधि सभा बैठकमा बजेटमाथि उठेको प्रश्नको जवाफ अर्थमन्त्री डा.प्रकाशशरण महतोले दिने भएका छन् । गत जेठ १५ गते पेश भएको बजेटमाथि उठेको प्रश्न र जिज्ञासाको जवाफ आज दिउँसो १ बजे बस्ने बैठकमा अर्थमन्त्रीले जवाफ दिने कार्यसुची छ । प्रधानमन्त्री पुष्प कमल दाहाल (प्रचण्ड) भारत भ्रमणबाट फर्किएपछि सुरु भएको बजेटको छलफल आईतबार सकिएको थियो । छलफलका क्रममा सांसदले उठाएका प्रश्न र जिज्ञासाको जवाफ अर्थमन्त्रीले दिएपछि बजेट पारितको प्रक्रियामा जानेछ ।...

पूर्णपुष्टि, जेष्ठ २९ । गएराती बर्षात हुँदा किसानलाई राहत मिलेको छ । सुख्खा खडेरी लागि रहेको बेलामा शनिबार राती बर्षात भएपछि केहि राहत मिलेको किसानहरु बताउछन् । सुख्खा खडेरी लागेपछि उदयपुरमा मकैबाली सुक्दैजाँदा किसानहरु चिन्तित बनेका थिए । केहि दिन यताको सुख्खा खडेरीले उदयपुरको त्रियुगा नगरपालिका क्षेत्रमा लगाईएको मकैबाली मर्न थालेको थियो । त्रियुगा नगरपालिका क्षेत्रका खैराहा, पोर्ताह, लक्ष्मीपुर, विसनपुर, जोगिदह, मोथ्याई, खैजनपुर भुल्के, मोतिगडासहित, बगाहा, श्रीपुर क्षेत्रका खेतमा लगार्ईएको मकैका बोट मर्न थालेको थियो । खैराहाका किसान विष्णु कार्कीले आफ्नो झण्डै एक बिघा रहेको खेतमा लगाएको मकैबाली खडेरी लागेपछि पातसहित मकैको बोट मर्न थालेको बताएका थिए भने यसपालिको मकैबाली खान नपाईने उनको गुनासो थियो । त्यस्तै पोर्ताहका किसान देवीलाल चौधरीले आफ्नो खेतमा लगाएको मकैबाली खडेरीका कारण अ...

पूर्णपुष्टि, जेष्ठ २९ । जल तथा मौसम विज्ञान विभाग, मौसम पूर्वानुमान महाशाखाका अनुसार अब विस्तारै तापक्रम घट्दै जाने र बर्षात हुने भएकोले गर्मीबाट मुक्त मिल्नेछ । आज कोशी, मधेश, बागमती र गण्डकीमा हल्कादेखि मध्यम वर्षाको सम्भावना छ भने तराईका जिल्लाहरुमा पनि तापक्रम नबढ्ने पूर्वानुमान छ । मौसमविदहरुका अनुसार पश्चिमी वायुका साथै बंगालको खाडीको जलवाष्पयुक्त हावा र भारतको बिहार आसपास भएको न्यून चापीय क्षेत्रको आंशिक प्रभावले शनिबार रातिदेखि नै कोशी प्रदेशलगायत देशका पहाडी भू–भागमा आंशिक बदलीको अवस्था छ । त्यसैले तराईका भू(भागहरूको अधिकतम तापक्रम नबढ्ने जनाईएको छ । कोशी प्रदेश, बागमती प्रदेश र गण्डकी प्रदेशका थोरै स्थानहरूका साथै मधेश प्रदेश लगायत देशका बाँकी पहाडी भू–भागका एक–दुई स्थानमा मेघ–गर्जनरचट्याङ्ग सहित हल्कादेखि मध्यम वर्षाको सम्भावना रहेको महाशाखाले जारी गरेको मौसमी बुलेटिनमा उल...