पूर्व प्रधानमन्त्रीको घरमा भेटिएको जलेको पैसामाथि अनुसन्धान सुरु
पूर्णपुष्टि÷गाईघाट, असोज १२ । सम्पत्ति शुद्धीकरण अनुसन्धान विभागले पूर्वप्रधानमन्त्रीद्वय शेरबहादुर देउवा र पुष्पकमल दाहाल प्रचण्डसहित पूर्वमन्त्री दीपक खड्काविरुद्ध औपचारिक अनुसन्धान शुरु गरेको छ ।
गत भदौ २४ गते प्रदर्शनकारीहरूले यी नेताहरूको घरमा आगजनी गर्दा ठूलो मात्रामा नेपाली र विदेशी मुद्रा जलेको भिडियो सामाजिक सञ्जालमा भाइरल भएको थियो । यी भिडियोहरूमा घरभित्रबाट निकालिएको र पछि जलेको नगदको दृश्य देखिएको थियो ।
विभागको टोली असोज ५ मा बूढानीलकण्ठस्थित देउवा र खड्काको निवास पुगेको थियो । दाहालको खुमलटारस्थित निवासमा भने असोज ७ मा पुगेर भग्नावशेषबाट जलेका नोटका टुक्रा र अन्य प्रमाण संकलन गरेको थियो । संकलित नमुनाहरू परीक्षणका लागि विधि विज्ञान प्रयोगशालामा पठाइएको विभागका एक अधिकारीले जानकारी दिए । प्रारम्भिक स्क्रिनिङमा कैफियत देखिएपछि आवश्यक अनुसन्धान सुरु गरिएको उनले बताए ।
...
