Month: २ वर्ष अगाडि

पूर्णपुष्टि, साउन १५ । पोखरा लेखनाथ रंगशाला निर्माण सुरु भएको आठ वर्ष बितिसक्दा पनि पर्याप्त पूर्वाधारको अभावमा घाँसे मैदानमा परिणत भएको छ। फुटबल, भलिबल, करातेलगायत विभिन्न खेलका खेलाडीहरू अभ्यासका लागि त्यहाँ पुग्ने गरे पनि उचित सुविधाको अभावमा समस्या भोग्न बाध्य छन्। बहुउद्देशीय कभर्ड हल अलपत्र परेको कारण इन्डोर खेलहरू पनि खुला मैदानमै गर्नुपर्ने बाध्यता रहेको छ। वर्षायाममा रंगशालाको ट्र्याक हिलाम्मे हुने हुँदा खेलाडीहरूले दौडन समेत पाउँदैनन्। आदर्श युवा क्लबका अध्यक्ष पदम गुरुङका अनुसार रंगशालामा बनेका संरचनाहरू अलपत्र परेका छन् र ट्र्याक मापदण्ड अनुसारको छैन। हाल ठूला खेल प्रतियोगिताहरू सञ्चालन गर्न सकिने अवस्था नरहेको उनले बताए। पोखरा महानगरको खेलकुद विकास समितिका पदाधिकारीहरूले बजेट अभावले रंगशाला पूर्ण रूपमा बन्न नसकेको जनाएका छन्। आठ वर्षअघि सुरु गरिएको बहुउद्देश्यीय कभर्ड हल...

पूर्णपुष्टि, साउन १५ । भारतको केरल राज्यको वायनाड जिल्लामा आएको बाढी र पहिरोमा परी कम्तीमा ५० जनाको मृत्यु भएको छ। मृतकहरूमा एक नेपाली बालक पनि रहेको भारतीय सञ्चारमाध्यमहरूले जनाएका छन्। मंगलबार बिहान वायनाडको मेप्पाडी क्षेत्रमा भारी वर्षापछि आएको बाढी र पहिरोले ठूलो क्षति पुर्‍याएको हो। टाइम्स अफ इन्डिया र एनडीटीभीका अनुसार थोन्डरनाड क्षेत्रमा एक नेपाली परिवारका १ वर्षीय बालकको मृत्यु भएको छ। स्थानीय समाचार संस्था मनोरमाका अनुसार ७० भन्दा बढी व्यक्तिलाई अस्पताल लगिएको छ र ४ सयभन्दा बढी परिवार विस्थापित भएका छन्। बाढीपहिरोमा फसेका २५० भन्दा बढी व्यक्तिलाई उद्धार गरिएको छ। केरलका मुख्यमन्त्री पिनराई विजयनले उद्धार कार्य जारी रहेको जानकारी दिएका छन्। भारतका प्रधानमन्त्री नरेन्द्र मोदीले मृतकका परिवारप्रति समवेदना प्रकट गर्दै प्रतिपरिवार २ लाख रुपैयाँ र घाइतेलाई ५० हजार रुपैयाँ उपलब्ध ग...

पूर्णपुष्टि, साउन १५ । कोशी प्रदेश सरकारमा सहभागिताको लागि तयार रहेको नेपाली कांग्रेसले आफ्नै गुटगत विवादका कारण मन्त्रीको नाम छनोट गर्न सकेको छैन। एमाले–कांग्रेसबीच चार–चार वटा मन्त्रालय भागबण्डा गर्ने सहमति भइसकेको भए पनि कांग्रेसले अझै मन्त्री पठाउन सकेको छैन। कांग्रेस कोशी प्रदेश कार्यसम्पादन समितिको बैठकले सरकारमा सहभागी हुने र समावेशी सिद्धान्त अपनाउने निर्णय गरेको छ। कांग्रेसका २९ सांसदमध्ये २७ जनाले मन्त्री बन्न दाबी गरेका छन्, जसमध्ये ४ देखि ६ जनासम्म मन्त्री र राज्यमन्त्री बन्न सक्ने सम्भावना रहेको छ। पार्टीभित्र शेरबहादुर देउवा, शेखर कोइराला र कृष्णप्रसाद सिटौला गुटबाट मन्त्री बनाउने गरी छलफल भइरहेको छ। लैंगिक र समावेशीतालाई ध्यान दिने निर्णय गरिए पनि हाल चर्चामा रहेका नाममा महिलाको प्रतिनिधित्व कम देखिन्छ। केन्द्रमा जस्तै प्रदेशमा पनि एमालेकांग्रेस गठबन्धन बनाउने सहमति भए...

पूर्णपुष्टि, साउन १५ । संयुक्त राष्ट्रसंघ बाल कोष (युनिसेफ) ले नेपालसहित दक्षिण एसियाली मुलुकहरुमा भारी वर्षासँगै आएको बाढी–पहिरोले बालबालिका र किशोरकिशोरीहरु गम्भीर रूपमा प्रभावित भएको भन्दै चिन्ता व्यक्त गरेको छ। युनिसेफका अनुसार यस्ता प्राकृतिक प्रकोपबाट करिब ६० लाख बालबालिका प्रभावित भएको अनुमान गरिएको छ। मनसुन सुरु भएसँगै नेपाल, भारत, पाकिस्तान र बंगलादेशमा वर्षा, बाढी र पहिरोले ठूलो विपत्ति निम्त्याएको छ। युनिसेफले जारी गरेको विज्ञप्तिमा बाढी र डुबानका कारण बालबालिकाको स्वास्थ्यमा गम्भीर जोखिम सिर्जना भएको उल्लेख छ। स्वच्छ खानेपानीको आपूर्ति प्रभावित भएकोले दूषित पानीका कारण झाडापखाला लगायत विभिन्न रोगहरू फैलिने खतरा बढेको छ। युनिसेफले जलवायु परिवर्तनका कारण यस्ता गम्भीर मौसमी घटनाहरु बढ्दै गएको र यसले बालबालिकाको जीवनमा नकारात्मक असर पारेको जनाएको छ।...

पूर्णपुष्टि, साउन १५ । नेपालको रैथाने खाद्य बाली मानिने कोदोको उत्पादन न्यून रहेको तर आयात बढ्दै गएको पाइएको छ। कृषि मन्त्रालयका अनुसार मुलुकका ७७ जिल्लामा कोदो खेती गरिए पनि उत्पादन अत्यन्तै कम छ। तर गत आर्थिक वर्षमा मात्रै नेपालले ७५ करोड ४१ लाख रुपैयाँ बराबरको कोदो आयात गरेको भन्सार कार्यालयको तथ्यांकले देखाएको छ। कृषि अर्थशास्त्री अभिनाश सिलवालका अनुसार नेपालको रैथाने बालीलाई समयमै ब्रान्डिङ गर्न नसक्दा यस्तो अवस्था आएको हो। उनले भने, ‘हाम्रो सरकार र किसान दुवैको फोकस नगदे बाली र तरकारीमा मात्रै भयो, तर संसारभरि नै हुने कुरामा फोकस गरिएन, कोदो–फापरमा ध्यान दिइएन। कोदो पौष्टिक खाद्यान्न मानिन्छ र यसमा चामल र मकैभन्दा ३५ गुणा बढी क्याल्सियम पाइन्छ। नेपालमा परम्परागत रूपमा कोदो मुख्यतः ढिँडो, रोटी, रक्सी र पशु आहारामा प्रयोग हुने गरेको छ।...

पूर्णपुष्टि, साउन १४ । सहकारी बचत अपचलन प्रकरणमा पूर्व उपप्रधानमन्त्री रवि लामिछाने पनि मुछिएको संसदीय छानबिन समितिले जनाएको छ। समितिका सदस्यहरूका अनुसार लामिछानेलाई केही दिनभित्रै सोधपुछका लागि बोलाउने तयारी भइरहेको छ। समितिले गोरखा मिडिया नेटवर्कबाट केही कागजातहरू मागेको र ती प्राप्त हुनासाथ लामिछानेलाई बोलाइने जनाइएको छ। लामिछानेलाई गोरखा मिडिया नेटवर्कको तत्कालीन प्रबन्ध निर्देशकको हैसियतमा बोलाइने समितिका सदस्यले बताए। यसअघि नै सार्वजनिक भएका तथ्यहरू अनुसार लामिछाने प्रबन्ध निर्देशक रहँदा गोरखा मिडिया नेटवर्कमा विभिन्न सहकारीहरूको करिब ८० करोड रुपैयाँ अपचलन भएको देखिएको छ। समितिका सभापति सूर्य थापाका अनुसार अहिलेसम्म धेरै व्यक्तिहरूसँग सोधपुछ गरिसकिएको र अझै करिब दुई दर्जन व्यक्तिहरूसँग सोधपुछ गर्ने योजना रहेको छ। गृहमन्त्री रमेश लेखकले समितिको सुझावलाई सरकारले कार्यान्वयन गर्ने...

पूर्णपुष्टि, साउन १४ । सरकारले तीन प्रदेशका प्रमुखहरूमा परिवर्तन गरेको छ। सोमबार बसेको मन्त्रिपरिषद् बैठकले बागमती, लुम्बिनी र कर्णाली प्रदेशका प्रदेश प्रमुखहरूलाई हटाएर नयाँ प्रमुखहरू नियुक्त गरेको एक मन्त्रीले जानकारी दिएका छन्। नयाँ नियुक्तिअनुसार बागमती प्रदेशमा दीपकप्रकाश देवकोटा, लुम्बिनी प्रदेशमा कृष्णबहादुर घर्तीमगर र कर्णाली प्रदेशमा यज्ञराज जोशीलाई प्रदेश प्रमुखको जिम्मेवारी दिइएको छ। यी नियुक्तिहरूले क्रमशः यादव शर्मा, अमिक शेरचन र तिलक परियारलाई प्रतिस्थापन गरेका हुन्। पूर्व प्रदेश प्रमुखहरू मध्ये शर्मा एकीकृत समाजवादी पार्टीसँग सम्बद्ध थिए भने शेरचन र परियार नेकपा माओवादी केन्द्र निकट मानिन्थे। उनीहरूलाई पुष्पकमल दाहाल (प्रचण्ड) नेतृत्वको अघिल्लो सरकारले नियुक्त गरेको थियो।...

पूर्णपुष्टि, साउन १४ । पूर्वराज्यमन्त्री रामचन्द्र रायको हत्या जग्गा विवादका कारण भएको प्रहरी अनुसन्धानबाट खुलेको छ। गत साउन ६ गते राति सर्लाहीको चन्द्रपुर नगरपालिका–१ रत्नपुरस्थित आफ्नै घरमा रायको हत्या भएको थियो। जिल्ला प्रहरी कार्यालय सर्लाहीका प्रवक्ता डीएसपी दीपक श्रेष्ठका अनुसार हत्याको योजनाकार पूर्वमन्त्री रायका छिमेकी ४६ वर्षीय वीरेन्द्र राय यादव रहेको पुष्टि भएको छ। उनकै योजना र प्रलोभनमा रायको घरमा काम गर्ने २५ वर्षीय रामउजैन रायले हत्या गरेको खुलेको छ। अनुसन्धानका क्रममा वीरेन्द्रले पूर्वमन्त्री रायको पक्की घर आफ्नो जग्गा मिचेर बनाएको आरोप लगाउँदै आएको खुलासा भएको छ । उनले रामउजैनलाई दुई लाख रुपैयाँ र व्यवसायको लागि एउटा फर्म खोलिदिने प्रलोभन दिएर हत्या गर्न लगाएको बताइएको छ। प्रहरीले घटनास्थल नजिकैबाट रगत लागेको धारिलो फर्सा र रगत लागेको तन्ना लगायतका प्रमाणहरू संकलन गरे...

पूर्णपुष्टि, साउन १४ । देशैभर बाढी र पहिरोले ठूलो जनधनको क्षति गरेको छ। प्रहरी प्रवक्ता प्रहरी नायब महानिरीक्षक दानबहादुर कार्कीका अनुसार गत जेठ २८ गतेदेखि आजसम्म देशका विभिन्न स्थानमा आएको बाढी, पहिरो लगायतका प्राकृतिक विपद्मा परी १४३ जनाको मृत्यु भएको छ। यसैगरी ४७ जना बेपत्ता रहेका छन् र १६१ जना घाइते भएका छन्। विपद्को असर सबै प्रदेशमा परेको छ। सबैभन्दा बढी गण्डकी प्रदेशमा ४२ जनाको मृत्यु भएको छ भने बागमती प्रदेशमा २९ जना र लुम्बिनी प्रदेशमा २४ जनाको मृत्यु भएको छ। अन्य प्रदेशहरूमा पनि उल्लेख्य संख्यामा मानवीय क्षति भएको छ। प्राकृतिक विपद्ले भौतिक संरचनामा पनि ठूलो क्षति पुर्याएको छ। १८४ घर डुबानमा परेका छन् भने २४१ घर, ८८ गोठ, ४३ पुल, २ विद्यालय र २ सरकारी कार्यालयमा क्षति पुगेको छ। यसका साथै ६०८ वटा पशुचौपायाको मृत्यु भएको र ४,०४२ घरपरिवार विस्थापित भएको प्रहरी प्रवक्ता कार्कीले जान...

पूर्णपुष्टि, साउन १४ । बोक्सेमा जारी सेभेन ए साइड फुटबल प्रतियोगिताको सेमिफाइनलमा शिशवारी फुटबल क्लबले स्थान बनाएको छ। सोमबार गंगा खेल मैदानमा भएको तेस्रो क्वाटरफाइनल खेलमा शिशावारीले डिडि वाईसि बेल्टारलाई पेनाल्टी सुटआउटमा ४–३ गोलले हराउँदै अन्तिम चारमा स्थान सुरक्षित गरेको हो। निर्धारित समयमा दुवै टोलीले १–१ गोल गरेपछि खेल पेनाल्टी सुटआउटमा पुगेको थियो। खेलको निर्धारित समयमा शिशवारीका लागि जर्सी नम्बर १ का अर्जुन रानाले गोल गरेका थिए भने डिडि वाईसिका लागि जर्सी नम्बर १० का सचिन खड्काले गोल गरेका थिए। यस खेलको म्यान अफ द म्याच शिशवारी फुटबल क्लबका अर्जुन राना घोषित भए। उनले नगद रु. १ हजार सहित मेडल प्राप्त गरे।...